തിരുവനന്തപുരം: രാജ്ഭവനില് സംഘടിപ്പിച്ച പരിപാടിയില് കാവിക്കൊടിയേന്തിയ ‘ഭാരതാംബ’യുടെ ചിത്രംവെച്ചതിന്റെ പേരില് പ്രതിഷേധിച്ച് വേദിവിട്ട സംഭവത്തില് പൊതുവിദ്യാഭ്യാസ വകുപ്പ് മന്ത്രി വി ശിവന്കുട്ടിയെ പിന്തുണച്ച് മുഖ്യമന്ത്രി പിണറായി വിജയന്. മന്ത്രി തെറ്റുചെയ്തിട്ടില്ലെന്ന് മുഖ്യമന്ത്രി പറഞ്ഞു. ഗവര്ണറോട് അനാദരവ് കാട്ടാന് മന്ത്രി ഉദ്ദേശിച്ചിട്ടില്ല. ഭരണഘടന തൊട്ട് സത്യപ്രതിജ്ഞ ചെയ്ത മന്ത്രിക്ക് അങ്ങനെ ചെയ്യാനേ കഴിയൂ എന്നും മുഖ്യമന്ത്രി പറഞ്ഞു. മന്ത്രി ശിവന്കുട്ടി പ്രോട്ടോക്കോള് ലംഘിച്ചുവെന്ന് ചൂണ്ടിക്കാട്ടി ഗവര്ണര് ആര്ലേക്കര് നല്കിയ കത്തിനാണ് മുഖ്യമന്ത്രി മറുപടി നല്കിയത്.
‘ഭരണഘടന തൊട്ട് സത്യപ്രതിജ്ഞ ചെയ്ത മന്ത്രിക്ക് അങ്ങനെ ചെയ്യാനേ കഴിയൂ’; ഗവര്ണര്ക്ക് മുഖ്യമന്ത്രിയുടെ മറുപടി
