വത്തിക്കാൻ സ്റ്റേറ്റ് സെക്രട്ടേറിയറ്റ് അംഗങ്ങളുമായി കൂടിക്കാഴ്ച നടത്തി ലെയോ പതിനാലാമൻ മാർപാപ്പ. തന്റെ പൊന്തിഫിക്കേറ്റിന്റെ ആദ്യമാസത്തിൽ നയതന്ത്രസംഘം നൽകിയ പിന്തുണയ്ക്ക് വ്യാഴാഴ്ച നടന്ന കൂടിക്കാഴ്ചയിൽ പാപ്പ അവരോട് നന്ദിപറഞ്ഞു.
വത്തിക്കാൻ സ്റ്റേറ്റ് സെക്രട്ടറി കർദിനാൾ പിയട്രോ പരോളിന്റെ ഹ്രസ്വപ്രസംഗത്തോടെയാണ് യോഗം ആരംഭിച്ചത്. പ്രസംഗത്തിന്റെ തുടക്കത്തിൽ, തന്റെ പൊന്തിഫിക്കേറ്റിന്റെ ആദ്യ ചുവടുവയ്പ്പുകളിൽ തന്നെ സഹായിച്ചതിനും തന്നെ ഏൽപിച്ച ദൗത്യം മുന്നോട്ടു കൊണ്ടുപോകുന്നതിനും ലെയോ മാർപാപ്പ സ്റ്റേറ്റ് സെക്രട്ടേറിയറ്റിനോട് നന്ദിപറഞ്ഞു. എന്നാൽ, കരീബിയൻ രാജ്യവും പരിശുദ്ധ സിംഹാസനവും തമ്മിലുള്ള ബന്ധത്തിന്റെ തൊണ്ണൂറാം വാർഷികത്തിൽ ക്യൂബയിൽ ആയിരുന്നതിനാൽ, സ്റ്റേറ്റ് സെക്രട്ടേറിയറ്റിലെ സംസ്ഥാനങ്ങളുമായുള്ള ബന്ധങ്ങളുടെ സെക്രട്ടറിയായ ആർച്ച്ബിഷപ്പ് പോൾ റിച്ചാർഡ് ഗല്ലഗർ കൂടിക്കാഴ്ചയിൽ പങ്കെടുത്തില്ല.
