ദുബായ്: കഴിഞ്ഞ ദിവസം നടന്ന മഹ്സൂസ് നറുക്കെടുപ്പിൽ 10 ലക്ഷം ദിർഹം സമ്മാനം സ്വന്തമാക്കി പ്രവാസി യുവാവ്. ഉത്തർപ്രദേശ് സ്വദേശി ഐജാസി ആണ് സമ്മാനം സ്വന്തമാക്കിയിരിക്കുന്നത്. ശനിയാഴ്ച രാത്രി നടന്ന നറുക്കെടുപ്പിലാണ് ഇദ്ദേഹത്തിന് സമ്മാനം ലഭിച്ചത്. ദുബായിലെ ഒരു സ്വകാര്യ കമ്പനിയിൽ ആണ് ഐജാസി ജോലി ചെയ്യുന്നത്. ഡെലിവറി വിഭാഗം തലവനായാണ് ജോലി ചെയ്യുന്നത്.
എല്ലാ ദിവസവും നറുക്കെടുപ്പ് തൽസമയം കാണാറുണ്ട്. എന്നാൽ ശനിയാഴ്ച അബുദാബിയിലുള്ള സഹോദരിയെ കാണാൻ പോയി. അതിനാൽ നറുക്കെടുപ്പ് കാണാൻ സാധിച്ചില്ല. അതുകൊണ്ട് തന്നെ സമ്മാനം നേടിയത് അദ്ദേഹം അറിഞ്ഞില്ല. മഹ്സൂസ് അയച്ച ഇ–മെയിൽ പെട്ടെന്ന് കണ്ടപ്പോൾ മനസിലായില്ല. പിന്നീട് പണം ബാങ്കിൽ എത്തിയപ്പോൾ ആണ് സംഭവം അടിച്ചെന്ന് മനസിലായത്. അടുത്ത ദിവസം ഫോൺ കോളും ലഭിച്ചു. അപ്പോഴാണ് സംഭവം സത്യമാണെന്ന് മനസിലായത്. ഭാര്യക്കൊപ്പം ദുബായിലാണ് താമസിക്കുന്നത്. 21, 17, 14 വയസുള്ള മക്കൾ ഉണ്ട്. ഇവരും ദുബായിൽ തന്നെയാണ് താമസം.
അർബുദം ബാധിച്ച് നാട്ടിലെ ആശുപത്രിയിൽ കോമയിൽ ഇദ്ദേഹത്തിന്റെ ബന്ധു കിടക്കുന്നുണ്ട്. അവരെ സഹായിക്കാൻ ആണ് തീരുമാനം. കൂടാതെ മക്കൾക്കുവേണ്ടി ചെറിയ തുക മാറ്റിവെക്കാനും തീരുമാനിച്ചിട്ടുണ്ട്. മഹ്സൂസ് നറുക്കെടുപ്പിൽ 1,402 വിജയികൾക്ക് ആകെ 5,40,000 ദിർഹം ആണ് സമ്മാനം ആണ് ലഭിക്കുക. രണ്ടാം സമ്മാനം 2,00,000 ദിർഹം ആണ്. നിരവധി പ്രവാസികൾക്ക് വലിയ സമ്മാനങ്ങൾ ആണ് ലഭിക്കുന്നത്.
