ആലപ്പുഴ: ബിജെപി നേതാവ് രഞ്ജിത് ശ്രീനിവാസനെ കൊലപ്പെടുത്തിയ കേസില്‍ രണ്ട് പോപ്പുലര്‍ഫ്രണ്ട് പ്രവര്‍ത്തകര്‍ പോലീസിന്റെ പിടിയിലായി.
കേസിലെ മുഖ്യപ്രതികളായ മണ്ണഞ്ചേരി സ്വദേശികളാണ് പിടിയിലായത്. കൊലപാതകവുമായി ബന്ധപ്പെട്ട് ഇതുവരെ 16 പേര്‍ അന്വേഷണസംഘത്തിന്റെ പിടിയിലായി.
കേസിലെ മുഖ്യപ്രതികളായ ആറ് പേരെ നേരത്തെ പോലീസ് അറസ്റ്റ് ചെയ്തിരുന്നു. 12 പേരാണ് കൊലപാതകത്തില്‍ നേരിട്ട് പങ്കെടുത്തത്. പിടിയിലാകാനുള്ള നാല് പേര്‍ക്കായി പോലീസ് അന്വേഷണം തുടരുകയാണ്. ഗൂഢാലോചനയില്‍ പങ്കെടുത്ത കൂടുതല്‍ പോപ്പുലര്‍ഫ്രണ്ട് നേതാക്കള്‍ക്ക് എതിരായി അന്വേഷണം പുരോഗമിക്കുകയാണ്. അന്വേഷണം നിര്‍ണായക ഘട്ടത്തിലാണെന്നും മുഴുവന്‍ പ്രതികളെക്കുറിച്ചും സൂചന ലഭിച്ചിട്ടുണ്ടെന്നും പോലീസ് അറിയിച്ചു.
