ദോഹ: ഖത്തറില് കൊവിഡ് നിയമങ്ങള് ലംഘിക്കുന്നവരുടെ എണ്ണം കുത്തനെ ഉയര്ന്നു. നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുകയും ചെയ്തു. നിയമം ലംഘിച്ച 1,143 പേര് കൂടി പിടിയിലായതായി അധികൃതര് അറിയിച്ചു.
പൊതുസ്ഥലങ്ങളില് മാസ്ക് ധരിക്കാത്തതിനാണ് 789 പേര്ക്കെതിരെ നടപടി സ്വീകരിച്ചത്. സുരക്ഷിതമായ സാമൂഹിക അകലം പാലിക്കാത്തതിന് 342 പേരെയും മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് 12 പേരെയും പിടികൂടി. നിയമലംഘകരെ തുടര് നടപടികള്ക്കായി പ്രോസിക്യൂഷന് കൈമാറി.
