ന്യൂഡല്ഹി : സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും മൂന്നു ദിവസത്തിനുള്ളില് 56 ലക്ഷം വാക്സിന് വിതരണം ചെയ്യുമെന്ന് കേന്ദ്ര സര്ക്കാര് അറിയിച്ചു.ഇതിനുള്ള നടപടികള് പുരോഗമിക്കുകയാണെന്ന് ആരോഗ്യമന്ത്രാലയം അറിയിച്ചു.
56,70,350 വാക്സിനുകളാണ് വിതരണം ചെയ്യാന് തയ്യാറെടുക്കുന്നത്. നിലവില് രണ്ടു കോടിയിലധികം വാക്സിന് ഡോസുകള് സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെ കൈയിലുണ്ട്. ഇതിന് പുറമേ അരക്കോടിയിലധികം വാക്സിനുകള് കൂടി ലഭ്യമാക്കുമെന്നാണ് കേന്ദ്രം അറിയിച്ചത്.
ഇതുവരെ 27.28 കോടി വാക്സിന് ഡോസുകളാണ് സംസ്ഥാനങ്ങള്ക്കും കേന്ദ്രഭരണപ്രദേശങ്ങള്ക്കും ഇടയില് വിതരണം ചെയ്തത്. ഇവയെല്ലാം സൗജന്യമായാണ് അനുവദിച്ചതെന്നും കേന്ദ്ര ആരോഗ്യമന്ത്രാലയം അറിയിച്ചു.പാഴാക്കിയത് അടക്കം 25,10,03,417 ഡോസുകള് സംസ്ഥാനങ്ങള് ഉപയോഗിച്ചു.
