കോവിഡ് നിയന്ത്രണങ്ങളില് ഇളവുകള് പ്രഖ്യാപിച്ചതിന്റെ ഭാഗമായി ഖത്തറില് വെള്ളിയാഴ്ച മുതല് മാളുകളിലും സൂഖുകളിലും കുട്ടികള്ക്ക് പ്രവേശനം അനുവദിക്കും.കുട്ടികള്ക്ക് മാളുകളില് പ്രവേശനം നല്കുന്നത് രക്ഷിതാക്കള്ക്ക് ഏറെ ആശ്വാസം നല്കുന്ന തീരുമാനമാണ്. രാജ്യത്ത് ചൂട് കൂടി വരികയാണ്. ഇതിനാല് പാര്ക്കുകളിലും മറ്റ് തുറസായ സ്ഥലങ്ങളിലും പോകാന് കഴിയാത്ത അവസ്ഥയാണ്.
ഇത്തരം ഘട്ടങ്ങളില് മാളുകളില് പോവുകയാണ് ഏക ആശ്വാസം.അല്ലെങ്കില് കുട്ടികളെ ഒറ്റക്ക് വാഹനത്തില് ഇരുത്തുകയോ മാളുകളുടെ പുറത്ത് കുട്ടികള് കാത്തിരിക്കുകയോ ചെയ്യണമായിരുന്നു. ഇതുസംബന്ധിച്ച് നിരവധി രക്ഷിതാക്കളാണ് സമൂഹമാധ്യമങ്ങളിലൂടെ തങ്ങളുടെ പ്രയാസം പങ്കുവെച്ചിരുന്നത്. വെള്ളിയാഴ്ച മുതല് ഈ പ്രശ്നത്തിന് പരിഹാരമാവുകയും കുട്ടികള്ക്ക് മുതിര്ന്നവരോടാപ്പം മാളുകളിലും സൂഖുകളിലും പ്രവേശിക്കാനും കഴിയും.
