ന്യൂഡല്ഹി: കേന്ദ്രമന്ത്രിസഭ പുനഃസംഘടിപ്പിച്ചേക്കുമെന്ന അഭ്യൂഹങ്ങള്ക്കിടെ ആഭ്യന്തര മന്ത്രി അമിത് ഷാ, ബിജെപി അധ്യക്ഷന് ജെ.പി. നഡ്ഡ എന്നിവരുമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തി. മന്ത്രിസഭാ പുനഃസംഘടനയുമായി ബന്ധപ്പെട്ട ചര്ച്ചകള്ക്ക് ഈ യോഗം തുടക്കം കുറിച്ചതായാണ് ദേശീയ മാധ്യമങ്ങളുടെ റിപ്പോര്ട്ട്. പ്രധാനമന്ത്രിയുടെ വസതിയിലാണ് യോഗം.
മന്ത്രിമാരുടെ പ്രവര്ത്തനങ്ങളുടെ വിലയിരുത്തലുകളും ഇതിന്റെ ഭാഗമായി നടക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. അടുത്തഘട്ടത്തില് നടപ്പാക്കേണ്ട കാര്യങ്ങളെ കുറിച്ചും കൂടിക്കാഴ്ചയില് മോദിയും മന്ത്രിമാരും ചര്ച്ച നടത്തും.
