കോഴിക്കോട്: നാല് കിലോ കഞ്ചാവുമായി യുവാക്കൾ പിടിയിൽ. രണ്ട് കാറുകളിലായി കടത്തുകയായിരുന്ന കഞ്ചാവാണ് വൈത്തിരി പോലീസ് പിടികൂടിയത്. വയനാട്ടില് വിതരണം ചെയ്യാനെത്തിച്ച കഞ്ചാവുമായാണ് യുവാക്കൾ പോലീസിൻ്റെ പിടിയിലായത്.
പുതുപ്പാടി മൈലള്ളാംപാറ സ്വദേശികളായ ഉളുവാന്തൊടി സിറാജ്(30), കോട്ടയില് റുഖ്സാന്(22), സുല്ത്താന് മന്സിലില് എസ്. സുല്ത്താന്(20), വെളുത്തേന്കാട്ടില് മുഹമ്മദ് ഇര്ഫാന്(22), കൈതപ്പൊയില് പുഴങ്കുന്നുമ്മല് സുബീര് (23) എന്നിവരാണ് പിടിയിലായത്.
സബ് ഇന്സ്പെക്ടര് കെ.എസ് ജിതേഷിന്റെ നേതൃത്വത്തിൽ സിവില് പോലീസ് ഓഫീസര്മാരായ കെ.കെ. വിപിന്, രാകേഷ് കൃഷ്ണ, ഷാജഹാന് എന്നിവരടങ്ങിയ സംഘമാണ് കഞ്ചാവ് പിടികൂടിയത്. പ്രതികളെ കോടതിയില് ഹാജരാക്കും.
