തൃശ്ശൂര്‍: കുത്തേറ്റ് ചികില്‍സയിലായിരുന്ന വനിതാ ഡോക്ടര്‍ മരിച്ചു. കഴിഞ്ഞ ചൊവ്വാഴ്ചയാണ് ഇവര്‍ക്ക് കുത്തേറ്റത്. മൂവാറ്റുപുഴ സ്വദേശി സോന ജോസ് (30) ആണ് മരിച്ചത്. ഇവരുടെ സ്ഥാപമായ ദന്താശുപത്രിയില്‍വച്ചാണ് സോനയ്ക്ക് കുത്തേറ്റത്. സുഹൃത്തും ദന്താശുപത്രിയുടെ പാര്‍ട്നറുമായ മഹേഷാണ് ഇവരെ കുത്തിയത്. സെപ്തംബര്‍ 28 ന് കുട്ടനല്ലൂരിലുള്ള ക്ലിനിക്കില്‍ വച്ചായിരുന്നു ആക്രമണം.
സാമ്പത്തിക പ്രശ്‌നങ്ങള്‍ ആണ് കൊലപാതകത്തിലേക്ക് നയിച്ചത്. മഹേഷ് സംഭവത്തിന് ശേഷം ഒളിവില്‍ ആണ്. പോലീസ് ഇയാള്‍ക്ക് വേണ്ടിയുള്ള തിരച്ചില്‍ ഊര്‍ജിതമാക്കി. സ്വകാര്യ ആശുപത്രിയില്‍ ചികിത്സയിലായിരുന്ന സോന ഇന്ന് രാവിലെ ആണ് മരിച്ചത്. കുരിയാച്ചിറയില്‍ കഴിഞ്ഞ രണ്ടു വര്‍ഷമായി മഹേഷിനോപ്പം ഒന്നിച്ച്‌ താമസിച്ച്‌ വരികയായിരുന്നു സോന. സാമ്പത്തിക തര്‍ക്കത്തെ തുടര്‍ന്ന് മഹേഷിനെതിരെ സോന നേരത്തെ പോലീസില്‍ പരാതി നല്‍കിയിരുന്നു.
