പ്രതിഫലത്തെച്ചൊല്ലി തന്റെ പേരിലുയരുന്ന ആരോപണങ്ങള്ക്ക് മറുപടിയുമായി . നിലവിലെ പ്രതിസന്ധികളുടെ അടിസ്ഥാനത്തില് പല താരങ്ങളും സിനിമകള്ക്കായി വാങ്ങുന്ന പ്രതിഫലത്തുക കുറച്ചിരുന്നു. എന്നാല് ബൈജു ഇതിന് തയ്യാറാകുന്നില്ലെന്ന് കാട്ടി മരട് 357 എന്ന ചിത്രത്തിന്റെ നിര്മാതാവാണ് പരാതിയുമായി നിര്മാതാക്കളുടെ സംഘടനയെ സമീപിച്ചിരുന്നു. ഈ വിഷയത്തിലാണ് താരം തന്നെ നേരിട്ട് പ്രതികരണവുമായെത്തിയിരിക്കുന്നത്.
ചിത്രത്തിനായി ബൈജുവുമായി എട്ടുലക്ഷം രൂപയുടെ കരാറാണ് ഉള്ളതെന്നാണ് നിര്മാതാവ് പറയുന്നത്. 20 ലക്ഷം രൂപയാണ് നടന്റെ ആ തുക മുഴുവനായി തന്നെ വേണമെന്നാണ് ബൈജു ആവശ്യപ്പെടുന്നതെന്നും ഇയാള് ആരോപിച്ചിരുന്നു. പ്രതിഫലം നല്കാതെ സിനിമ ഡബ്ബ് ചെയ്യില്ലെന്ന് ബൈജു അറിയിച്ചതായും നിര്മാതാവിന്റെ പരാതിയിലുണ്ട്. എന്നാല് നിര്മ്മാതാവിന്റെ എല്ലാത്തരത്തിലുള്ള ആരോപണങ്ങളും തള്ളിയാണ് ബൈജു പ്രതികരിച്ചിരിക്കുന്നത്. –
മരട് എന്ന ചിത്രത്തില് ജോയിന് ചെയ്യുന്ന അന്ന് ചിത്രത്തിന്റെ മാനേജര് ഒരു ബ്ലാങ്ക് ചെക്കുമായി വന്നിരുന്നു. അന്ന് അക്കത്തിലും അക്ഷരത്തിലും ഇരുപത് ലക്ഷം രൂപ എന്നൊഴുതി ഒപ്പിട്ടു കൊടുത്തു. ഷൂട്ടിംഗിന് ഇടയ്ക്കൊന്നും ഇതിനെക്കുറിച്ച് പരാമര്ശം ഒന്നും ഉണ്ടായില്ല എന്നാണ് ബൈജു ഫേസ്ബുക്കിലൂടെ പുറത്തുവിട്ട വീഡിയോയില് പറയുന്നത്. ഈ ചിത്രത്തില് ജോയിന് ചെയ്ത അതേസമയത്ത് തന്നെയാണ് മിന്നല് മുരളി എന്ന ചിത്രത്തിന്റെ ഷൂട്ടിംഗും നടക്കുന്നത്. ആ സിനിമയ്ക്ക് 20 ലക്ഷം രൂപയാണ് പ്രതിഫലം തരുന്നത്. എന്തെങ്കിലും സംശയം ഉണ്ടെങ്കില് ഇവരുടെ തന്നെ അസോസിയേഷനിലെ അംഗമായ സോഫിയാ പോളിനോട് ചോദിക്കാനും താരം ആവശ്യപ്പെടുന്നുണ്ട്.
–
മരടിന്റെ പ്രൊഡൂസര് പറയുന്നത് പോലെ എട്ടുലക്ഷം രൂപയ്ക്കാണ് താന് സൈന് ചെയ്തതെങ്കില് ആ എഗ്രിമെന്റെ് തനിക്കും കാണണമെന്നും അങ്ങനെയൊരു എഗ്രിമെന്റില് താന് ഒപ്പിട്ടില്ലെന്നുമാണ് ബൈജു പറയുന്നത്. 20 ലക്ഷം രൂപയുടെ കരാറില് വൈറ്റ്നര് ഉപയോഗിച്ച് മായിച്ച് എട്ടുലക്ഷം എന്നാക്കിയോ എന്നറിയില്ലെന്നും അങ്ങനെ ചെയ്താല് കണ്ടാല് മനസിലാകുമെന്നുമാണ് പറയുന്നത്. ആ എഗ്രിമെന്റ് കാണിച്ചാല് പ്രൊഡ്യൂസര് പറയുന്നത് പോലെ അനുസരിച്ച് ഡബ്ബിംഗ് പൂര്ത്തിയാക്കും നല്കും.
–
നിലവിലെ സാഹചര്യങ്ങളുടെ പശ്ചാത്തലത്തില് കഴിഞ്ഞ ചിത്രമായ പട്ടാഭിരാമന് എന്ന ചിത്രത്തിലെ പ്രതിഫലമായ 15 ലക്ഷം രൂപ നല്കാന് ആവശ്യപ്പെട്ടിരുന്നു. എന്നാല് അദ്ദേഹം എട്ടുലക്ഷം എന്ന തുകയില് ഉറച്ചു നില്ക്കുകയാണ്. അത് എന്തുകൊണ്ടാണെന്ന് മനസിലാകുന്നില്ല. താന് ഒപ്പിട്ട എഗ്രിമെന്റ് ഉണ്ടെങ്കില് അത് കാണിക്കണമെന്ന് വെല്ലുവിളിച്ച ബൈജു, അത് കാണിച്ചാല് പ്രൊഡ്യൂസര് പറയുന്ന സമയത്ത് വന്ന് ഡബ്ബിംഗ് ചെയ്തു കൊടുക്കാമെന്നും അറിയിച്ചിട്ടുണ്ട്.
പ്രൊഡ്യൂസര് അസോസിയേഷന്റെ ഭാരവാഹികളെ ആരെയും കുറ്റപ്പെടുത്താന് ആഗ്രഹിക്കുന്നില്ലെന്നും പ്രൊഡ്യൂസറെ സംരക്ഷിക്കാനാണല്ലോ സംഘടന ഉണ്ടാക്കിയതെന്നും പറഞ്ഞ ബൈജു ഏത് കാര്യത്തിലായാലും നീതി ഉണ്ടാകണമെന്നും അത് ആരുടെ ഭാഗത്താണെന്ന് പരിശോധിക്കാമെന്നുമാണ് പറഞ്ഞത്. അസോസിയേഷന്റെ ഭാഗത്ത് ഈ പ്രൊഡ്യൂസര് ഏല്പ്പിച്ച എഗ്രിമെന്റെ് ഉണ്ടെങ്കില് അത് മാധ്യമങ്ങളെ കാണിക്കണമെന്നും ആവശ്യപ്പെടുന്നു.
എന്തൊക്കെ പറഞ്ഞാലും പ്രൊഡ്യൂസര് ആളൊരു ബുദ്ധിമാനാണെന്ന് പറഞ്ഞാണ് ബൈജു വീഡിയോ അവസാനിപ്പിക്കുന്നത്. വിവാദം ഉണ്ടാക്കിയാല് പടത്തിന് നല്ലൊരു പരസ്യം കൂടി കിട്ടുമല്ല.. അതൊക്കെ നല്ല കാര്യം തന്നെയാണ്. വിജയത്തിലെത്തട്ടെ എന്ന് ആശംസിക്കുന്നു എന്നായിരുന്നു വാക്കുകള്.
