വയനാട്: തദ്ദേശ സ്വയം ഭരണ സ്ഥാപനങ്ങളിലേക്കുള്ള പൊതു തിരഞ്ഞെടുപ്പില് ഗ്രാമ പഞ്ചായത്തുകളുടെ സംവരണ മണ്ഡലം നിശ്ചയിക്കുന്നതിന് നറുക്കെടുപ്പ് സെപ്തംബര് 28, 29 ന് നടക്കും. നിലവില് കല്പ്പറ്റ നഗരസഭ കണ്ടൈന്മെന്റ് സോണാക്കി പ്രഖ്യാപിച്ച സാഹചര്യത്തില് പ്രസ്തുത നറുക്കെടുപ്പില് ഗ്രാമ പഞ്ചായത്തിലെ അംഗീകൃത രാഷ്ട്രീയ പാര്ട്ടികളുടെ ഓരോ പ്രതിനിധികള്ക്ക് പങ്കെടുക്കാമെന്ന് ജില്ലാ കളക്ടര് അറിയിച്ചു.
കോവിഡ് 19 മാനദണ്ഡങ്ങള് കൃത്യമായി പാലിക്കേണ്ടതാണ്. നറുക്കെടുപ്പ് ഹാളില് സാമൂഹ്യ അകലം പാലിക്കുകയും മാസ്ക്, സാനിറ്റൈസര് നിര്ബന്ധമായും ഉപയോഗിക്കുകയും ചെയ്യണം. ഒരേ സമയത്ത് 30ല് കൂടുതല് ആളുകള് ഹാളില് പ്രവേശിക്കാന് പാടില്ല.
