റിയാദ്: വീട് തകര്‍ന്നുവീണ് റിയാദില്‍ മലയാളിയും തമിഴ്‍നാട്ടുകാരനും മരിച്ചു. വിവിധ രാജ്യക്കാരായ അഞ്ചുപേര്‍ക്ക് പരിക്കേറ്റു. നഗരത്തിലെ മൊത്ത – ചില്ലറ വ്യാപാര കേന്ദ്രങ്ങളിലൊന്നായ അതീഖയില്‍ പച്ചക്കറി മാര്‍ക്കറ്റിന് സമീപം ചൊവ്വാഴ്‍ച രാത്രി 11.30ന് ആയിരുന്നു സംഭവം.
പാലക്കാട് എലുമ്ബിലാശേരി സ്വദേശി നാലംകണ്ടം മുഹമ്മദ് (47) ആണ് മരിച്ചത്. മരിച്ച മറ്റൊരാള്‍ തമിഴ്‌നാട് സ്വദേശിയാണ്. തകര്‍ന്നുവീണ കെട്ടിട അവശിഷ്‍‍‍‍‍‍‍‍‍‍ടങ്ങള്‍ക്കടിയില്‍പെട്ട രണ്ടു പേരും തല്‍ക്ഷണം മരിച്ചു. തൊഴിലാളികള്‍ താമസിക്കുന്ന പഴയ മണ്‍ കെട്ടിടമാണ് തകര്‍ന്നുവീണത്. പരിക്കേറ്റവരെ ശുമൈസി കിങ് സഊദ് ആശുപത്രിയില്‍ പ്രവേശിപ്പിച്ചു.
