തിരുവനന്തപുരം: സംസ്ഥാനത്തെ സര്ക്കാര്, എയ്ഡഡ് കോളേജുകളില് 150 പുതിയ കോഴ്സുകള് അനുവദിക്കും. ആദ്യത്തെ 100 കോഴ്സുകള് സെപ്തംബര് 15നകം പ്രഖ്യാപിക്കും. എ പി ജെ അബ്ദുള്കലാം സര്വ്വകലാശാല, മലയാളം സര്വ്വകലാശാല എന്നിവയ്ക്ക് സ്ഥിരം കാമ്ബസിനുള്ള സ്ഥലമെടുപ്പ് പൂര്ത്തിയാക്കി ശിലാസ്ഥാപനം നടത്തും. 126 കോടി രൂപ മുതല്മുടക്കില് 32 ഉന്നതവിദ്യാഭ്യാസ സ്ഥാപനങ്ങള്ക്ക് നിര്മിക്കുന്ന കെട്ടിടങ്ങള് പൂര്ത്തീകരിക്കും.
100 ദിവസത്തിനുള്ളില് കോളേജ്, ഹയര് സെക്കണ്ടറി മേഖലകളിലായി 1000 തസ്തികകള് സൃഷ്ടിക്കുമെന്ന് മുഖ്യമന്ത്രി പറഞ്ഞു. 100 ദിവസത്തിനുള്ളില് 15,000 നവസംരംഭങ്ങളിലൂടെ 50,000 പേര്ക്ക് കാര്ഷികേതര മേഖലയില് തൊഴില് നല്കും. പ്രാദേശിക സഹകരണ ബാങ്കുകള്, കുടുംബശ്രീ, കെഎഫ്സി , ജില്ലാ വ്യവസായ കേന്ദ്രങ്ങള്, തദ്ദേശഭരണ സ്ഥാപനങ്ങള് എന്നിവയായിരിക്കും മുഖ്യ ഏജന്സികള്. ഒരു പ്രത്യേക പോര്ട്ടലിലൂടെ ഓരോ ഏജന്സികളും അധികമായി സൃഷ്ടിച്ച തൊഴിലവസരങ്ങള് പ്രസിദ്ധീകരിക്കും.
