തിരുവനന്തപുരം: സംസ്ഥാനത്തെ അഞ്ച് ജില്ലകളില് ഇന്ന് റെഡ് അലര്ട്ട്. കണ്ണൂര്, വയനാട്, കോഴിക്കോട്, മലപ്പുറം, ഇടുക്കി ജില്ലകളിലാണ് ഇന്ന് റെഡ് അലര്ട്ട് പ്രഖ്യാപിച്ചത്. കേരളത്തില് വിവിധയിടങ്ങളില് അടുത്ത ദിവസങ്ങളിലും അതിതീവ്ര മഴ ലഭിക്കാന് സാധ്യതയുണ്ടെന്നും കേന്ദ്ര കാലാവസ്ഥ നിരീക്ഷണകേന്ദ്രം അറിയിച്ചു.
പൊതുജനങ്ങളോടും സര്ക്കാര് സംവിധാനങ്ങളോടും ഉരുള്പൊട്ടല്, മണ്ണിടിച്ചില്, താഴ്ന്ന പ്രദേശങ്ങളില് വെള്ളപ്പൊക്കം എന്നിവ മുന്നില് കണ്ട് കൊണ്ടുള്ള തയാറെടുപ്പുകള് നടത്താനും അതീവ ജാഗ്രത പാലിക്കാനും സംസ്ഥാന ദുരന്ത നിവാരണ അതോറിറ്റി നിര്ദേശിച്ചിട്ടുണ്ട്. ഇടുക്കി, മലപ്പുറം, വയനാട് ജില്ലകളില് ഞായറാഴ്ച റെഡ് അലര്ട്ട് പ്രഖ്യാപിച്ചിട്ടുണ്ട്.
ഓറഞ്ച് അലര്ട്ട് പ്രഖ്യാപിച്ച ജില്ലകള്:
2020 ഓഗസ്റ്റ് 8 : പത്തനംതിട്ട, ആലപ്പുഴ , കോട്ടയം, എറണാകുളം, തൃശൂര്, പാലക്കാട്, കാസര്ഗോഡ്.
2020 ഓഗസ്റ്റ് 9 : കോഴിക്കോട്, കണ്ണൂര്, കാസര്ഗോഡ്.
2020 ഓഗസ്റ്റ് 10 : മലപ്പുറം, കണ്ണൂര്
യെല്ലോ അലര്ട്ട് പ്രഖ്യാപിച്ച ജില്ലകള്
2020 ഓഗസ്റ്റ് 8 : തിരുവനന്തപുരം, കൊല്ലം.
2020 ഓഗസ്റ്റ് 9 : ആലപ്പുഴ, കോട്ടയം, എറണാകുളം, തൃശൂര്, പാലക്കാട്.
2020 ഓഗസ്റ്റ് 10 : ആലപ്പുഴ, എറണാകുളം, ഇടുക്കി, തൃശൂര്, കോഴിക്കോട്, വയനാട്, കാസര്ഗോഡ്.
2020 ഓഗസ്റ്റ് 11 : കോഴിക്കോട്, കണ്ണൂര്, കാസര്ഗോഡ്.
