പശ്ചിമ ബംഗാളിലെ സോനാർപൂരിൽ ഉണ്ടായ അക്രമത്തിന് പിന്നാലെ തൃണമൂൽ കോൺഗ്രസ് (TMC) ദേശീയ ജനറൽ സെക്രട്ടറി അഭിഷേക് ബാനർജിയുടെ ആരോഗ്യനില അതീവ ഗുരുതരമായി തുടരുമ്പോഴും അദ്ദേഹത്തെ നിർബന്ധിതമായി ഡിസ്ചാർജ് ചെയ്യാൻ ബിജെപി നേതാക്കളും ഒരു മുതിർന്ന പോലീസ് ഉദ്യോഗസ്ഥനും ചേർന്ന് ആശുപത്രിക്ക് മേൽ കടുത്ത സമ്മർദ്ദം ചെലുത്തിയതായി മമത ബാനർജി ആരോപിച്ചു.
ശനിയാഴ്ച വാർത്താസമ്മേളനത്തെ അഭിസംബോധന ചെയ്ത മുൻ പശ്ചിമ ബംഗാൾ മുഖ്യമന്ത്രി, അഭിഷേക് ബാനർജിയുടെ നിലവിലെ ആരോഗ്യസ്ഥിതിയിൽ കടുത്ത ആശങ്ക രേഖപ്പെടുത്തുകയും ആക്രമണത്തെത്തുടർന്ന് അദ്ദേഹത്തിന്റെ ശരീരത്തിൽ രക്തം കട്ടപിടിച്ചിട്ടുണ്ടെന്ന് (Blood clots) വെളിപ്പെടുത്തുകയും ചെയ്തു. അദ്ദേഹത്തെ തീവ്രപരിചരണ വിഭാഗത്തിൽ (ITU) പ്രവേശിപ്പിച്ചിരിക്കുകയാണെന്നും 3D സിടി സ്കാൻ, അൾട്രാസോണോഗ്രഫി (USG), തൊറാസിക് പരിശോധനകൾ ഉൾപ്പെടെയുള്ള നിരവധി സുപ്രധാന മെഡിക്കൽ പരിശോധനകൾക്ക് അദ്ദേഹം വിധേയനായെന്നും അവർ വ്യക്തമാക്കി.
