സൗദിയില് സൂപ്പര്വൈസിംഗ് തസ്തികകള് പൂര്ണ്ണമായും സ്വദേശിവല്ക്കരിക്കുന്നു.സര്ക്കാര് അര്ധസര്ക്കാര് സ്ഥാപനങ്ങളുടെ കോണ്ട്രാക്ടിംഗ് ജോലികള് ഏറ്റെടുക്കുന്ന സ്ഥാപനങ്ങള്ക്കാണ് നിബന്ധന ബാധകമാവുക. ഇത്തരം കമ്ബനികളിലെ സൂപ്പര് വൈസിംഗ് തസ്തികകള് പൂര്ണ്ണമായും സ്വദേശിവല്ക്കരിക്കാനാണ് തീരുമാനം. സ്വദേശിവല്ക്കരണം സംബന്ധിച്ച് മാനവ വിഭവശേഷി മന്ത്രാലയം പുറത്തിറക്കിയ മാര്ഗ്ഗ നിര്ദ്ദേശങ്ങളിലാണ് നിബന്ധന ബാധകമാക്കിയത്.
ഓപ്പറേഷന്സ്, മെയിന്റനന്സ് കമ്ബനികളിലെ ഉന്നത തസ്തികകളില് അമ്ബത് ശതമാനം സ്വദേശി ജീവനക്കാരെ നിയമിക്കണമെന്ന നിര്ദ്ദേശം നേരത്തെ മന്ത്രാലയം പുറപ്പെടുവിച്ചിരുന്നു. എഞ്ചിനിയറിംഗ് സ്പെഷ്യലിസ്റ്റ് തസ്തികകളില് സ്വദേശി അനുപാതം മുപ്പത് ശതമാനത്തില് കുറയാന് പാടില്ലെന്നും വ്യവസ്ഥയുണ്ട്.
