പാലക്കാട്: പാലക്കാട് തൃത്താലയില്‍ പത്താംക്ലാസ് വിദ്യാര്‍ഥിനിയെ പാറമടയില്‍ മരിച്ച നിലയില്‍ കണ്ടെത്തി. തൃത്താല കെ.ബി മേനോന്‍ ഹയര്‍സെക്കന്‍ഡറി സ്കൂളിലെ പത്താം ക്ലാസ് വിദ്യാര്‍ഥിനിയായ വൃന്ദയെയാണ് മരിച്ച നിലയില്‍ കണ്ടെത്തിയത്. ആലൂര്‍ കള്ളന്നൂര്‍ വീട്ടിലെ മണിയുടെ മകളാണ് വൃന്ദ.
സാമൂഹ്യമാധ്യമങ്ങളില്‍ കൂട്ടുകാരുമായി സംസാരിച്ചതിന് വീട്ടുകാര്‍ വൃന്ദയെ ശകാരിച്ചിരുന്നു.ഇതില്‍ മനംനൊന്ത് കുട്ടി ആത്മഹത്യ ചെയ്തതാകാം എന്നാണ് പ്രാഥമിക നിഗമനം.ഇന്ന് രാവിലെ വീട്ടുകാരുമായി കലഹിച്ച്‌ വീട്ടില്‍ നിന്നിറങ്ങി പോയ വൃന്ദയെ തിരച്ചിലിനിടെ എട്ടുമണിയോടെയാണ് വീടിന് സമീപത്തുള്ള കരിങ്കല്‍ ക്വാറിയില്‍ കണ്ടെത്തുന്നത്.ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.
