കല്‍പ്പറ്റ: വയനാട്ടില്‍ ആശുപത്രിയില്‍ മരിച്ച ആദിവാസി വൃദ്ധന് കൊവിഡ് സ്ഥിരീകരിച്ചു. തരുവണ പള്ളിയാല്‍ കോളനിയിലെ മലായി (100) ക്കാണ് മരണശേഷം നടത്തിയ പരിശോധനയില്‍ കൊവിഡ് സ്ഥിരീകരിച്ചത്.
ശരീരവേദനയെ തുടര്‍ന്ന് കഴിഞ്ഞ ദിവസം പൊരുന്നന്നൂര്‍ സാമൂഹികാരോഗ്യ കേന്ദ്രത്തില്‍ പ്രാഥമിക ചികിത്സ തേടിയിരുന്നു. രക്തസ്രാവത്തെ തുടര്‍ന്ന് ഇന്ന് വീണ്ടും ആശുപത്രിയില്‍ പ്രവേശിപ്പിക്കുകയും ഉച്ചയോടെ മരിക്കുകയുമായിരുന്നു. തുടര്‍ന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്.
