തിരുവനന്തപുരം: സംസ്ഥാനത്ത് ലോക്ക്ഡൗണില് കൂടുതല് ഇളവുകള് പ്രഖ്യാപിച്ചതിനെ തുടര്ന്ന് ആലപ്പുഴയില് ഹൗസ്ബോട്ടുകള്ക്കും പ്രവര്ത്തിക്കാന് അനുമതി ലഭിച്ചു. എന്നാല് ഹൗസ് ബോട്ടുകള്ക്കും വള്ളങ്ങള്ക്കും നിബന്ധനകളോടെ പ്രവര്ത്തിക്കാനാണ് അനുമതി .
ജീവനക്കാര് എല്ലാവരും കോവിഡ് വാക്സിന് സ്വീകരിച്ചിട്ടുണ്ടെങ്കില് മാത്രമേ ഈ പ്രവര്ത്തന അനുമതി ഉള്ളൂ.
എന്നാല് ഹൗസ്ബോട്ടുകളിലെ സഞ്ചാരികള് കുറഞ്ഞത് ഒരു ഡോസ് വാക്സിന് എടുത്തിട്ടുള്ളവരും ആയിരിക്കണം. കൂടാതെ 72 മണിക്കൂറിനിടെ എടുത്ത ആര്ടിപിസിആര് നെഗറ്റീവ് സര്ട്ടിഫിക്കറ്റ് ഉള്ളവരോ, കോവിഡ് പോസിറ്റീവായി ഒരുമാസം കഴിഞ്ഞവര്ക്കോ ബോട്ടുകളില് പ്രവേശനം ലഭിക്കും.
