ദുബായ്: ഇന്ത്യയില് നിന്ന് യു.എ.ഇലേക്കുള്ള ഇന്ഡിഗോ വിമാനങ്ങള് ഒരാഴ്ചത്തേയ്ക്ക് സര്വീസ് നിര്ത്തിവച്ചു. കോവിഡ് മാനദണ്ഡങ്ങള് ലംഘിച്ച് യാത്രക്കാരെ ദുബായില് എത്തിച്ചതിനെ തുടര്ന്നാണ് നടപടി. ജൂലൈ 24 വരെയാണ് സര്വീസുകള് റദ്ദാക്കിയിരിക്കുന്നത്.
പ്രവര്ത്തനത്തിലെ പ്രശ്നങ്ങള് കാരണമാണ് വിമാനങ്ങള് റദ്ദാക്കിയതെന്ന് എയര്ലൈന് അധികൃതര് പ്രസ്താവനയില് പറഞ്ഞു. യാത്രക്കാര്ക്ക് ടീക്കറ്റിന്റെ തുക തിരികെ ആവശ്യപ്പെടുകയോ അല്ലെങ്കില് മറ്റൊരു ദിവസത്തേക്ക് യാത്ര പുനക്രമീകരിക്കുകയോ ചെയ്യാമെന്നും ഇന്ഡിഗോ അറിയിച്ചു.
അതേസമയം, കോവിഡ് വ്യാപനം മൂലം ഇന്ത്യയില് നിന്നുള്ള യാത്രക്കാര്ക്ക് ഏര്പ്പെടുത്തിയ വിലക്ക് കുവൈത്ത് നീക്കി. ഓഗസ്റ്റ് 22 മുതല് കുവൈത്തിലേക്ക് നേരിട്ട് യാത്ര ചെയ്യാം. ഇന്നലെ ചേര്ന്ന മന്ത്രിസഭാ യോഗത്തിലാണ് തീരുമാനം.
കുവൈത്ത് അംഗീകരിച്ചിട്ടുള്ള വാക്സിന് സ്വീകരിച്ച റസിഡന്സ് വിസയുള്ളവര്ക്കായിരിക്കും പ്രവേശനം അനുവദിക്കുക. ഫൈസര്, കോവിഷീല്ഡ്, മൊഡേണ, ജോണ്സണ് ആന്ഡ് ജോണ്സണ് എന്നീ വാക്സിനുകള്ക്കാണ് കുവൈത്തില് അംഗീകാരമുള്ളത്.
