മലപ്പുറത്ത് നാളെ മുതൽ ഹാർബറുകൾ പ്രവർത്തിക്കും

മലപ്പുറം ജില്ലയിൽ നാളെ മുതൽ ഹാർബറുകൾ പ്രവർത്തിക്കാൻ അനുമതി. പൊന്നാനി, താനൂർ ഹാർബറുകൾക്കും, പടിഞ്ഞാറേക്കര, കൂട്ടായി, തേവർ കടപ്പുറം, ചാപ്പപ്പടി ലാൻഡിങ് സെന്ററുകളിലും മാത്രമേ മത്സ്യ വിൽപ്പന പാടുള്ളൂ. ഹാർബർ പ്രവർത്തനത്തിന് കർശന നിർദ്ദേശങ്ങളാണ് നൽകിയിട്ടുള്ളത്.

രാവിലെ 7 മുതൽ 2 വരെ മാത്രമേ വിൽപ്പന പാടുള്ളു. ടോക്കൺ നൽകുന്നതിനും തിരക്ക് നിയന്ത്രിക്കുന്നതിനും തദ്ദേശ സ്ഥാപനങ്ങൾ വളണ്ടിയർമാരെ നിയോഗിക്കണമെന്നും നിർദ്ദേശം നൽകിയിട്ടുണ്ട്.