മുൻ മണിപ്പൂർ കോൺഗ്രസ്സ് അധ്യക്ഷൻ ഗോവിന്ദാസ് കോന്ദുജം ബി.ജെ.പി.യിൽ ചേർന്നു. മണിപ്പൂർ മുഖ്യമന്ത്രി എൻ. ബിരേൻ സിങ് ഡൽഹിയിലെ ആസ്ഥാനത്ത് വച്ച് നടന്ന ചടങ്ങിൽ ഗോവിന്ദാസിന് അംഗത്വം നൽകി. ഗോവിന്ദാസിന്റെ വരവ് പാർട്ടിക്ക് കരുത്ത് പകരുമെന്ന് ബി.ജെ.പി. അഭിപ്രായപ്പെട്ടു.
‘ഞാനും മുൻപ് കോൺഗ്രസ്സിലായിരുന്നു. എന്നാൽ ഡ്രൈവർ ഉരൽക്കത്തിലാണെങ്കിൾ വണ്ടി എങ്ങനെ മുന്നോട്ട് നീങ്ങാനാണ്. മണിപ്പൂരിൽ ഇപ്പോഴും അക്രമവും, സമരവും, ബന്ദുമായിരുന്നു. എന്നാൽ നരേന്ദ്രമോദി സർക്കാർ അധികാരത്തിൽ വന്നത് മുതൽ കാര്യങ്ങൾ സമാധാനപൂർണമായാണ് മുന്നോട്ട് നീങ്ങുന്നത്, ബിരേൻ സിങ് പറഞ്ഞു.
കഴിഞ്ഞ മാസം അവസാനമാണ് ഗോവിന്ദാസ് കോൺഗ്രസ്സിൽ നിന്ന് രാജി വച്ചത്. വ്യക്തിപരമായ കാരണങ്ങളാലാണ് തൻ പാർട്ടിയിൽ നിന്ന് രാജി വയ്ക്കുന്നതെന്നായിരുന്നു ഗോവിന്ദാസ് നൽകിയ വിശദീകരണം. കോൺഗ്രസ് ഭവനിൽ രാജി കത്ത് സമർപ്പിച്ച ശേഷമാണ് ഗോവിന്ദാസ് കോൺഗ്രസ്സിന്റെ പടിയിറങ്ങിയത്.
മണിപ്പൂരിലെ ബിഷ്ണുപ്പൂരിൽ നിന്ന് ആറ് തവണയാണ് ഗോവിന്ദാസ് കോൺഗ്രസ്സ് എം.എൽ.എ.യായി തെരഞ്ഞെടുക്കപ്പെട്ടത്. മുൻ മാത്രിയായിരുന്നു അദ്ദേഹം. 2020 ഡിസംബറിൽ അദ്ദേഹത്തെ എം.പി.സി.സി. പ്രസിഡന്റായി നിയമിച്ചിരുന്നു.
