കടുത്തുരുത്തി: ഭക്ഷണം കഴിക്കുന്നതിനിടെ 9 വയസ്സുകാരന് കുഴഞ്ഞുവീണ് മരിച്ചു. മാഞ്ഞൂര് വേലച്ചേരി (പെരുനിലത്ത്) പി.ജി. വിനോദ്- വി.ഡി. സന്ധ്യ ദമ്ബതികളുടെ മകന് ശ്രീഹരി (9) ആണ് മരിച്ചത്.
ഇന്നലെ വൈകൂന്നേരം നാലോടെയാണ് സംഭവം . മേമ്മുറിയിലെ കുടുംബക്ഷേമ കേന്ദ്രത്തിലാണ് ഇവര് താമസിക്കുന്നത് . ഇവിടെ വച്ചു ഭക്ഷണം കഴിക്കുന്നതിനിടെ ശ്രീഹരി കുഴഞ്ഞുവീണതിനെ തുടര്ന്ന് കൃത്രിമ ശ്വാസോച്ഛാസം നല്കിയ ശേഷം ഇഎസ്ഐ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
ശ്രീഹരിയ്ക്ക് രാവിലെ തലവേദനയും ഛര്ദിയും ഉണ്ടായതിനെ തുടര്ന്ന് കുറുപ്പന്തറ കുടുംബാരോഗ്യ കേന്ദ്രത്തിലെത്തി മരുന്ന് വാങ്ങിയിരുന്നതായി ദമ്ബതികള് പറയുന്നു. പോസ്റ്റ്മോര്ട്ടത്തിന് ശേഷമെ മരണകാരണം അറിയാന് കഴിയുവെന്നാണ് ഇവരുടെ കുടുംബസുഹൃത്തുക്കള് പറഞ്ഞത് . തോട്ടുവ ഡിപോള് നസ്രത്തുഹില് സ്കൂളിലെ നാലാം ക്ലാസ് വിദ്യാര്ഥിയാണ് ശ്രീഹരി . കുറുപ്പന്തറയില് ബേക്കറി നടത്തുകയാണ് പിതാവ് വിനോദ് . കുറുപ്പന്തറ കുടുംബാരോഗ്യ കേന്ദ്രത്തിലെ ജൂണിയര് പബ്ലിക് ഹെല്ത്ത് നഴ്സാണ് അമ്മ സന്ധ്യ . സഹോദരന്: ശ്രീദേവ്.
