ബംഗാളില് വീണ്ടും ബിജെപി തൃണമൂല് സംഘര്ഷം.ഭട്പാരയിലുണ്ടായ ബോംബേറില് നാല് പേര്ക്ക് പരിക്കേറ്റു. ഒരാളുടെ നില ഗുരുതരമാണ്. ബംഗാളിലെ ബിജെപി തൃണമൂല് സംഘര്ഷം നടന്ന സ്ഥലങ്ങളില് ഗവര്ണര് ജഗ്ദീപ് ധാന്കര് സന്ദര്ശനം നടത്തുന്നതിനിടെയാണ് വീണ്ടും സംഘര്ഷം ഉണ്ടാകുന്നത്.
ഇന്നലെ രാത്രിയോടെ ഒരു സംഘം ഭട്പാരിയല് സംഘര്ഷം ഉണ്ടാക്കുകയായിരുന്നുവെന്ന് പോലീസ് അറിയിച്ചു. നാല് പേര്ക്ക് ആക്രമണത്തില് പരിക്കേറ്റിട്ടുണ്ട്. ചില വീടുകള് തീയിട്ട് നശിപ്പിക്കുകയും ചെയ്തു. സ്ഥിതി നിയന്ത്രണവിധേയമാണെന്ന് ബരാക്പൊര പൊലീസ് കമ്മീഷണര് മനോജ് വെര്മ്മ വ്യക്തമാക്കി
