ജനഗണമന എന്ന സിനിമാ ചിത്രീകരണത്തിനിടെ നടന്‍ പൃഥ്വിരാജിനും സംവിധായകന്‍ ഡിജോ ജോസിനും കൊവിഡ് സ്ഥിതീകരിക്കുകയുണ്ടായി. ഇതേ തുടര്‍ന്ന് സ്വയം ക്വാറന്റീനില്‍ പ്രവേശിച്ചിരിക്കുകയാണ് സുരാജ് വെ‍ഞ്ഞാറമൂട്. ഷൂട്ടിംഗ് നടന്ന വേളയില്‍ സമ്പര്‍ക്കം ഉണ്ടായത് കൊണ്ടാണ് താന്‍ സ്വയം ക്വാറന്റീനില്‍ പ്രവേശിക്കുന്നതെന്ന് സുരാജ് ഫേസ്ബുക്ക് പോസ്റ്റില്‍ കുറിക്കുകയുണ്ടായി.
കൂടാതെ കഴിഞ്ഞ ദിവസങ്ങളില്‍ താനുമായും ജനഗണമനയുടെ അണിയറ പ്രവര്‍ത്തകരുമായും സമ്പര്‍ക്കത്തില്‍ വന്നവര്‍ ക്വാറന്റീനില്‍ പോവണമെന്നും എന്തെങ്കിലും ലക്ഷണങ്ങള്‍ ഉള്ളവര്‍ എത്രയും പെട്ടന്ന് ടെസ്റ്റ് ചെയ്യണമെന്നും സുരാജ് ആവശ്യപ്പെട്ടിട്ടുണ്ട് . പൃഥ്വിരാജിനും സംവിധായകനും കൊവിഡ് സ്ഥിരീകരിച്ചതോടെ സിനിമയുടെ ചിത്രീകരണം താല്‍ക്കാലികമായി നിര്‍ത്തിവക്കുകയുണ്ടായി.
