പൂർണമായും എഥനോൾ ഉപയോഗിക്കുന്ന പുതിയ വാഹനങ്ങൾ അവതരിപ്പിക്കുമെന്ന് കേന്ദ്രമന്ത്രി നിതിൻ ഗഡ്‌കരി. നാഗ്‌പൂരിൽ നടന്ന ഒരു പരിപാടിയിൽ സംസാരിക്കവെ റോഡ് ഗതാഗത, ഹൈവേ മന്ത്രി താൻ അടുത്തിടെ ഇലക്ട്രിക് വാഹനം പുറത്തിറക്കിയ മെഴ്‌സിഡസ് ബെൻസ് കമ്പനിയുടെ ചെയർമാനുമായി കൂടിക്കാഴ്‌ച നടത്തിയതായി വ്യക്തമാക്കി.
“ഭാവിയിൽ ഇലക്ട്രിക് വാഹനങ്ങൾ മാത്രമേ നിർമ്മിക്കൂ എന്ന് അദ്ദേഹം (മെഴ്‌സിഡസ് ചെയർമാൻ) എന്നോട് പറഞ്ഞു,” അദ്ദേഹം കൂട്ടിച്ചേർത്തു. “പൂർണമായും എഥനോൾ ഉപയോഗിച്ച് പ്രവർത്തിക്കുന്ന പുതിയ വാഹനങ്ങളാണ് ഞങ്ങൾ കൊണ്ടുവരുന്നത്. ബജാജ്, ടിവിഎസ്, ഹീറോ സ്കൂട്ടറുകൾ 100 ശതമാനം എഥനോളിൽ പ്രവർത്തിക്കും” മന്ത്രി പറഞ്ഞു.
ടൊയോട്ട കമ്പനിയുടെ കാംറി കാർ ഓഗസ്‌റ്റിൽ പുറത്തിറക്കുമെന്ന് ഗഡ്‌കരി പറഞ്ഞു, ഇത് 100 ശതമാനം എഥനോൾ ഉപയോഗിച്ച് പ്രവർത്തിക്കുകയും 40 ശതമാനം വൈദ്യുതി ഉൽപ്പാദിപ്പിക്കുകയും ചെയ്യും.
“നിങ്ങൾ ഇത് പെട്രോളുമായി താരതമ്യം ചെയ്യുമ്പോൾ എഥനോൾ നിരക്ക് 60 രൂപയും പെട്രോൾ നിരക്ക് ലിറ്ററിന് 120 രൂപയുമാണ്. കൂടാതെ ഇത് 40 ശതമാനം വൈദ്യുതിയും ഉത്പാദിപ്പിക്കും. ശരാശരി 15 രൂപയാകും ലിറ്ററിന് ലാഭം” അദ്ദേഹം കൂട്ടിച്ചേർത്തു.
