നീറ്റ്-യുജി 2026 (NEET-UG 2026) ചോദ്യപേപ്പർ ചോർച്ച കേസ്, പരീക്ഷാ പരിഷ്കരണങ്ങൾ, സിബിഎസ്ഇയുടെ മൂല്യനിർണ്ണയ രീതികൾ, സ്കൂളുകളിൽ മുന്ന് ഭാഷാ നയം (Three-language policy) നടപ്പാക്കൽ എന്നിവ ചർച്ച ചെയ്യുന്നതിനായി വിദ്യാഭ്യാസം, സ്ത്രീകൾ, കുട്ടികൾ, യുവാക്കൾ, കായികം എന്നിവയ്ക്കായുള്ള പാർലമെന്ററി സ്റ്റാൻഡിംഗ് കമ്മിറ്റി ജൂൺ 1, 2 തീയതികളിൽ യോഗങ്ങൾ ചേരും.
ജൂൺ 1-ന് നടക്കുന്ന യോഗത്തിലേക്ക് ഉന്നതവിദ്യാഭ്യാസ സെക്രട്ടറി, ആരോഗ്യ മന്ത്രാലയം സെക്രട്ടറി, നാഷണൽ ടെസ്റ്റിംഗ് ഏജൻസി (NTA) ഡയറക്ടർ ജനറൽ, യുണൈറ്റഡ് ഡോക്ടേഴ്സ് ഫ്രണ്ടിന്റെ ഗുൽഷൻ ഗാർഗ് എന്നിവരെ സമിതി വിളിപ്പിച്ചിട്ടുണ്ട്. നീറ്റ്-യുജി പേപ്പർ ചോർച്ചാ വിഷയത്തിൽ എൻടിഎയുടെ നിലപാട് തേടുന്ന സമിതി, പരീക്ഷകൾ നടത്തുന്നതിലെ പരിഷ്കാരങ്ങൾ ഉൾപ്പെടെയുള്ള കാര്യങ്ങൾ ചർച്ച ചെയ്യും.
