രാജ്യം അതിശക്തമായ ഉഷ്ണ തരംഗത്തിന്റെ പിടിയിലാകുകയാണ്. ഏപ്രിൽ മാസം അവസാനിക്കാനിരിക്കെ തന്നെ മെയ്-ജൂൺ മാസങ്ങളിലേതിന് സമാനമായ കനത്ത വേനൽ അനുഭവപ്പെടുന്നു. ലോകത്തിലെ ഏറ്റവും ചൂടേറിയ 100 നഗരങ്ങളിൽ 95 നഗരങ്ങളും ഇന്ത്യയിലാണെന്ന റിപ്പോർട്ടുകൾ ആശങ്ക വർധിപ്പിക്കുന്നു. ഉത്തരേന്ത്യയിലും കിഴക്കൻ ഇന്ത്യയിലുമുള്ള നിരവധി പ്രദേശങ്ങളിൽ താപനില ഇതിനകം തന്നെ 43 മുതൽ 47 ഡിഗ്രി സെൽഷ്യസ് വരെ ഉയർന്നിട്ടുണ്ട്. സാധാരണയായി ജൂൺ, ജൂലൈ മാസങ്ങളിലാണ് ഈ തീവ്രമായ ഉഷ്ണതരംഗം ഉണ്ടാകാറ്, എന്നാൽ ഇത്തവണ അത് വളരെ നേരത്തെ തന്നെ ആരംഭിച്ചിട്ടുണ്ട്. സമുദ്രോപരിതല താപനിലയിലെ വർദ്ധനവും വായു മർദ്ദത്തിലെ മാറ്റങ്ങളുമാണ് ഇതിന് കാരണമെന്ന് ശാസ്ത്രജ്ഞർ പറയുന്നു.
മനുഷ്യനിർമിത ഹരിതഗൃഹ വാതകങ്ങൾ ഭൂമിയുടെ താപനില ഉയരാൻ കാരണമാകുന്നു, ഇത് ചെറിയ ഉഷ്ണതരംഗങ്ങൾ പോലും ശക്തവും നീണ്ടുനിൽക്കുന്നതുമാക്കുന്നു. ലോകത്തിന്റെ മറ്റു ഭാഗങ്ങൾ തണുപ്പുള്ളതാണെങ്കിലും, ഇന്ത്യയിലെ ചൂട് വളരെ രൂക്ഷമാണ്, പകൽ സമയത്ത് ആളുകൾ വീടിനു പുറത്തിറങ്ങാൻ ഭയപ്പെടുന്നു.
