ഡല്‍ഹി: ഡല്‍ഹിയിലെ ആം ആദ്മി നേതാക്കള്‍ക്കും കൊറോണ രോഗം സ്ഥിരീകരിച്ചു. ആം ആദ്മി നേതാക്കളായ അതിഷി, അക്ഷയ് മറാത്ത എന്നിവര്‍ക്കാണ് രോഗം സ്ഥിരീകരിച്ചിരിക്കുന്നത്. ഇരുവരും വീട്ടില്‍ നിരീക്ഷണത്തില്‍ കഴിയുകയാണ്.
അതേസമയം ഡല്‍ഹി ആരോഗ്യമന്ത്രി സത്യേന്ദ്ര ജയ്നെ വീണ്ടും കൊറോണ പരിശോധനയ്ക്ക് വിധേയനാക്കി. കഴിഞ്ഞ ദിവസം നടത്തിയ പരിശോധനയില്‍ കൊറോണഡ് ഫലം നെഗറ്റീവായിരുന്നു. കൊറോണ ലക്ഷണങ്ങളായ പനിയും ശ്വാസതടസത്തെയും തുടര്‍ന്നാണ് സത്യേന്ദ്ര ജയ്നെ ആശുപത്രിയില്‍ പ്രവേശിപ്പിച്ചത്.
