ബെയ്ജിങ്: ചൈനയില് മധ്യവയസ്കന് എച്ച് 5 എന് 6 വകഭേദത്തിലുള്ള പക്ഷിപ്പനി സ്ഥിരീകരിച്ചതായി റിപ്പോര്ട്ട്. സിചുവാന് പ്രവിശ്യയിലുള്ള ബസോങ് എന്ന നഗരത്തിലെ 55കാരനാണ് രോഗം ബാധിച്ചതെന്ന് ചൈനീസ് മാധ്യമങ്ങള് റിപ്പോര്ട്ടുചെയ്യുന്നു. നിലവില് രോഗം ബാധിച്ചയാള് ആശുപത്രിയിലാണ്. അദ്ദേഹം താമസിക്കുന്ന ഭാഗത്തെ സമീപ പ്രദേശങ്ങളില് കോഴി ഫാമുകളുണ്ടായിരുന്നതായും മാധ്യമങ്ങളുടെ റിപ്പോര്ട്ടില് പറയുന്നു.
അതേസമയം, രോഗബാധ അപൂര്വ്വമായി സംഭവിക്കുന്നത് മാത്രമാണെന്നും പകര്ച്ചവ്യാധിക്കുള്ള സാധ്യതകള് വിരളമാണെന്നുമാണ് വിദഗ്ധര് പറയുന്നതെന്ന് ചൈനീസ് മാധ്യമങ്ങള് ചൂണ്ടിക്കാട്ടുന്നുണ്ട്. പക്ഷിപ്പനിയുടെ പല വകഭേദങ്ങളാണ് ചൈനയലുള്ളത്. അവയില് ചിലത് മനുഷ്യരിലേക്ക് പടരുന്നുണ്ട്. കോഴിയടക്കമുള്ള പക്ഷികളെ വളര്ത്തുന്ന ഫാമുകളില് ജോലി ചെയ്യുന്നവരെയാണ് പ്രധാനമായും രോഗം ബാധിക്കുന്നത്.
