ലോകത്തിലെ ഏറ്റവും വലിയ സമ്പന്നരുടെ പട്ടികയിൽ വീണ്ടും ചരിത്രം കുറിച്ച് ടെക് ശതകോടീശ്വരൻ ഇലോൺ മസ്ക്. മനുഷ്യ ചരിത്രത്തിൽ ആദ്യമായി ഒരു ട്രില്യൺ ഡോളർ സമ്പത്തിന് ഉടമയാകുന്ന വ്യക്തിയായി മസ്ക് മാറിയെന്ന റിപ്പോർട്ടുകളാണ് പുറത്തുവരുന്നത്. സ്പേസ് എക്സ് കമ്പനിയുടെ വമ്പൻ ഐപിഒ വിജയത്തെ തുടർന്ന് അദ്ദേഹത്തിന്റെ ബിസിനസ് സാമ്രാജ്യത്തിന്റെ മൂല്യം കുത്തനെ ഉയർന്നതാണ് ഈ നേട്ടത്തിന് പിന്നിലെ പ്രധാന കാരണം.
കമ്പനി ഫയലിംഗുകളും ഫോർബ്സിന്റെ കണക്കുകളും അടിസ്ഥാനമാക്കിയുള്ള റോയിട്ടേഴ്സ് കണക്കുകൂട്ടലുകൾ പ്രകാരം, സ്പേസ് എക്സ് വ്യാപാരം ആരംഭിക്കുമ്പോൾ മസ്കിന്റെ ആസ്തി 1.1 ട്രില്യൺ ഡോളർ കടക്കുമെന്ന് പ്രതീക്ഷിക്കുന്നു. റോക്കറ്റ്, സാറ്റലൈറ്റ്, ആർട്ടിഫിഷ്യൽ ഇന്റലിജൻസ് കമ്പനിയാണ് അദ്ദേഹത്തിന്റെ സമ്പത്തിലേക്ക് ഏറ്റവും കൂടുതൽ സംഭാവന നൽകുന്നത്.
