ഖത്തറില്‍ കൊവിഡ് പ്രതിരോധ നിര്‍ദേശങ്ങള്‍ ലംഘിച്ച നൂറിലധികം പേര്‍ക്കെതിരെ നടപടി. മാസ്‌ക് ധരിക്കാത്തതിന് 89 പേരെ ആഭ്യന്തര മന്ത്രാലയം പബ്ലിക് പ്രോസിക്യൂഷന് കൈമാറി. വാഹനങ്ങളില്‍ അനുവദനീയമായ യാത്രക്കാരിലും കൂടുതല്‍ പേരെ കയറ്റിയതിന് 14 പേര്‍ക്കെതിരെയും നടപടിയെടുത്തു.
ഡ്രൈവറുള്‍പ്പെടെ നാലുപേര്‍ക്കാണ് വാഹനങ്ങളില്‍ യാത്ര ചെയ്യാനുള്ള അനുമതി. കുടുംബാംഗങ്ങളാണെങ്കില്‍ ഇതില്‍ ഇളവ് ലഭിക്കും. കൊവിഡ് പ്രതിരോധ മാര്‍ഗനിര്‍ദേശങ്ങള്‍ പൊതുജനങ്ങള്‍ കൃത്യമായി പാലിക്കണമെന്ന് അധികൃതര്‍ അറിയിച്ചു.
