സൗദിയില്‍ പുതിയ രോഗികളുടെ എണ്ണത്തെക്കാള്‍ രോഗമുക്തരുടെ എണ്ണം വീണ്ടും ഉയര്‍ന്നുതുടങ്ങി. തിങ്കളാഴ്ച 3393 പേര്‍ക്ക് രോഗം പുതുതായി സ്ഥിരീകരിച്ചപ്പോള്‍ 4045 പേര്‍ സുഖം പ്രാപിച്ചു. കാല്‍ലക്ഷത്തോളം ടെസ്റ്റ് നടന്നപ്പോഴാണ് ഇത്രയും പേരില്‍ കോവിഡ് പോസിറ്റീവ് സ്ഥിരീകരിച്ചത്. അതേകാലയളവില്‍ തന്നെയാണ് ആശുപത്രികളില്‍ ചികിത്സയിലുണ്ടായിരുന്നവരില്‍ നിന്ന് 4045 പേര്‍ സുഖം പ്രാപിച്ച്‌ പുറത്തിറങ്ങുന്നത്.
രാജ്യത്ത് 101130 പേര്‍ ഇതുവരെ രോഗമുക്തരായി. ഇതോടെ രാജ്യത്തെ വിവിധ ആശുപത്രികളില്‍ ചികിത്സയില്‍ കഴിയുന്നവരുടെ ആകെ എണ്ണം 54523 ആയി കുറഞ്ഞു.ഇതില്‍ 2045 പേര്‍ ഗുരുതരാവസ്ഥയില്‍ തീവ്രപരിചരണ വിഭാഗത്തിലാണ്. രാജ്യത്താകെ വൈറസ് ബാധ സ്ഥിരീകരിച്ച ആളുകളുടെ ആകെ എണ്ണം 161005 ആയി.
