തിരുവനന്തപുരം: സംസ്ഥാനത്തിന് ഈ മാസം 38 ലക്ഷം ഡോസ് കോവിഡ് വാക്സിന് ലഭിക്കും. 45 വയസിന് മുകളില് പ്രായമുള്ളവര്ക്ക് ജൂലായ് 15നകം വാക്സിന് ലഭ്യമാക്കുമെന്നും മുഖ്യമന്ത്രി പിണറായി വിജയന്.
50 ലക്ഷത്തോളം പേരാണ് സംസ്ഥാനത്ത് ആദ്യ ഡോസ് വാക്സിന് സ്വീകരിക്കാനുള്ളത്. ജൂണ് 15 ഓടെ 85 ലക്ഷം പേര്ക്ക് ഭക്ഷ്യകിറ്റ് നല്കും. ജൂണ് 10 ഓടെ ജൂണ് മാസത്തെ ഭക്ഷ്യകിറ്റുകള് തയ്യാറാകുമെന്നും കോവിഡ് അവലോകന യോഗത്തില് മുഖ്യമന്ത്രി പറഞ്ഞു.
നിര്മ്മാണ മേഖലയിലെ അതിഥി തൊഴിലാളികള് ഉള്പ്പെടെയുള്ളവരെ തുടര്ച്ചയായി കോവിഡ് ടെസ്റ്റ് ചെയ്യണം. വ്യവസായത്തിനാവശ്യമായ അസംസ്കൃത വസ്തുവായ റബ്ബര് വില്ക്കുകയും വാങ്ങുകയും ചെയ്യുന്ന കടകള്ക്ക് പ്രവര്ത്തനാനുമതി നല്കും.
വ്യവസായശാലകളും അതിനോടനുബന്ധിച്ച അസംസ്കൃത വസ്തുക്കളുടെ കടകളും പ്രവര്ത്തിക്കാവുന്നതാണ്. സമൂഹ അടുക്കളയില് നിന്ന് ഭക്ഷണം ലഭിക്കുന്നില്ലെന്ന പരാതി ശ്രദ്ധയില്പ്പെട്ടാല് കര്ശന നടപടിയെടുക്കാന് തദ്ദേശ സ്വയംഭരണ വകുപ്പിനും ജില്ലാഭരണകൂടങ്ങള്ക്കും മുഖ്യമന്ത്രി നിര്ദ്ദേശം നല്കി.
ഈ മാസത്തോടെ കര്ഷകരുടെ പക്കലുള്ള കിസാന് ക്രെഡിറ്റ് കാര്ഡിന്റെ കാലാവധി അവസാനിക്കും. കൊവിഡ് വ്യാപന സാഹചര്യം പരിഗണിച്ച് കാലാവധി നീട്ടാനുള്ള നടപടിയെടുക്കാന് മുഖ്യമന്ത്രി ചീഫ് സെക്രട്ടറിക്ക് നിര്ദ്ദേശം നല്കി.
