കുവൈത്ത് സിറ്റി: കുവൈത്തില്‍ 641 പേര്‍ക്ക് കൂടി കോവിഡ് സ്ഥിരീകരിച്ചു. ഇതുവരെ 40,291 പേര്‍ക്കാണ് വൈറസ് ബാധിച്ചത്. തിങ്കളാഴ്ച രോഗം സ്ഥിരീകരിച്ചവരില്‍ 383 പേര്‍ കുവൈത്തികളാണ്.
വിവിധ ആശുപത്രികളില്‍ ചികില്‍സയിലായിരുന്ന നാല് പേര്‍ കൂടി മരിച്ചതോടെ രാജ്യത്തെ കോവിഡ് മരണം 330 ആയി. ഫര്‍വാനിയ ഗവര്‍ണറേറ്റില്‍ 57, അഹമദി ഗവര്‍ണറേറ്റില്‍ 180, ഹവല്ലി ഗവര്‍ണറേറ്റില്‍ 81, കാപിറ്റല്‍ ഗവര്‍ണറേറ്റില്‍ 65, ജഹറ ഗവര്‍ണറേറ്റില്‍ 195 എന്നിങ്ങനെയാണ് പുതിയ കേസുകള്‍ റിപ്പോര്‍ട്ട് ചെയ്തത്.
തിങ്കളാഴ്ച 530 പേരാണു രോഗമുക്തി നേടിയത്. ആകെ രോഗമുക്തി നേടിയവരുടെ എണ്ണം 31770 ആയി. ആകെ 8191 പേരാണു ഇപ്പോള്‍ ചികിത്സയില്‍ കഴിയുന്നത്.
