ഓസ്ട്രേലിയൻ വംശജനായ ഐ എസ് ഭീകരനെ ജയിലിൽ നിന്ന് മോചിപ്പിച്ച് തുർക്കി . എന്നാൽ ഓസ്ട്രേലിയ അടക്കം ഒരു രാജ്യങ്ങളും സ്വീകരിക്കാൻ തയ്യാറാകാത്തതിനെ തുടർന്ന് ഭീകരനെ വീണ്ടും ഇമിഗ്രേഷൻ തടവിൽ ആക്കിയിരിക്കുകയാണ് തുർക്കി.
മെൽബണിൽ ജനിച്ച നീൽ പ്രകാശിനെയാണ് 2019 മാർച്ചിൽ ഏഴര വർഷത്തെ തടവിന് തുർക്കി ശിക്ഷിച്ചത് . 2016 ഒക്ടോബറിൽ സിറിയയിൽ നിന്ന് രാജ്യത്തേക്ക് കടക്കാൻ ശ്രമിക്കുന്നതിനിടെ തുർക്കി അതിർത്തി കാവൽക്കാരാണ് ഇയാളെ പിടികൂടിയത് . അന്നു മുതൽ , ഗാസിയാൻടെപ് നഗരത്തിലെ സുരക്ഷാ ജയിലിലായിരുന്നു . അഞ്ച് വർഷം കിടന്ന ശേഷമായിരുന്നു മോചനം . നാടുകടത്തണമെന്നായിരുന്നു തുർക്കി അധികൃതരുടെ തീരുമാനം . പക്ഷേ ഒരു രാജ്യവും നീലിനെ കൊണ്ടുപോകാൻ തയ്യാറായില്ല.
മെൽബണിലെയും സിഡ്നിയിലെയും ആക്രമണങ്ങളെ പ്രോത്സാഹിപ്പിക്കുന്ന ഐഎസിന്റെ നിരവധി പ്രചരണ വീഡിയോകളിൽ പ്രകാശ് പ്രത്യക്ഷപ്പെട്ടു, കൂടാതെ സിറിയയിലെ തീവ്രവാദ ഗ്രൂപ്പിന് വേണ്ടി ആയുധമെടുക്കുകയും ചെയ്തു . നിരവധി ഓസ്ട്രേലിയൻ ജിഹാദികളുമായി ഇയാൾക്ക് ബന്ധമുണ്ടായിരുന്നു. 2018 ഡിസംബർ 21-ന് ഓസ്ട്രേലിയ ഇയാളുടെ പൗരത്വവും റദ്ദാക്കുകയും പാസ്പോർട്ട് റദ്ദാക്കുകയും ചെയ്തു.
വിചാരണ നേരിടുന്നതിനായി ഓസ്ട്രേലിയയിലേക്ക് കൈമാറാൻ തുർക്കി കോടതികൾ വിസമ്മതിച്ചതിനെ തുടർന്നായിരുന്നു നടപടി. നീൽ പ്രകാശിനെ ഓസ്ട്രേലിയയിലേക്ക് അയച്ചിരുന്നെങ്കിൽ, ഐഎസുമായി ബന്ധപ്പെട്ട കുറ്റങ്ങൾക്ക് വിചാരണ നേരിടേണ്ടിവരുമായിരുന്നു, അത് ജീവപര്യന്തം തടവ് ശിക്ഷയ്ക്ക് ഇടയാക്കിയേക്കാവുന്ന കുറ്റമാണ്.
കംബോഡിയൻ വംശജയായ ഓസ്ട്രേലിയക്കാരിയാണ് നീൽ പ്രകാശിന്റെ അമ്മ.ഓസ്ട്രേലിയയുടെ സുരക്ഷയും സുരക്ഷയുമാണ് തങ്ങൾക്ക് മുഖ്യമെന്നും നീലിനെ സ്വീകരിക്കാനാകില്ലെന്നും ഓസ്ട്രേലിയ വ്യക്തമാക്കിയിട്ടുണ്ട്.
അവസരം ലഭിച്ചാൽ നീൽ പ്രകാശ് ഓസ്ട്രേലിയക്കാരെ ദ്രോഹിക്കുകയും കൊല്ലുകയും ചെയ്യുമെന്ന് ആളുകൾ തിരിച്ചറിയണമെന്നാണ് അധികൃതർ പറയുന്നത് . പ്രകാശിന്റെ പിതാവ് ഫിജി സ്വദേശിയാണെങ്കിലും പ്രകാശിനെ സ്വീകരിക്കാനാകില്ലെന്നും , ഐഎഎസ് ഭീകരനെ സ്വീകരിക്കേണ്ട ബാധ്യതയില്ലെന്നും ഫിജി അധികൃതരും വ്യക്തമാക്കി . ഫെബ്രുവരിയിൽ മോചിതനായ പ്രകാശിനെ ഗാസിയാൻടെപ് എയർപോർട്ടിന് സമീപമുള്ള എൽബെയ്ലിയിലെ ഇമിഗ്രേഷൻ ഡിറ്റൻഷൻ സെന്ററിലേക്ക് മാറ്റിയിരിക്കുകയാണ് തുർക്കി
