കർണാടക മുഖ്യമന്ത്രി സ്ഥാനത്ത് നിന്നുള്ള സിദ്ധരാമയ്യയുടെ രാജിക്ക് പിന്നാലെ, മുതിർന്ന നേതാവിന് ആദരമർപ്പിച്ച് ഉപമുഖ്യമന്ത്രിയും സംസ്ഥാന കോൺഗ്രസ് പ്രസിഡന്റുമായ ഡി.കെ ശിവകുമാർ രംഗത്തെത്തി. മൈസൂരിലെ ഒരു ചെറിയ ഗ്രാമത്തിൽ നിന്നും സംസ്ഥാനത്തിന്റെ ഏറ്റവും ഉയർന്ന രാഷ്ട്രീയ പദവിയിലേക്കുള്ള സിദ്ധരാമയ്യയുടെ യാത്രയെ അദ്ദേഹം പ്രശംസിച്ചു.
ഹൃദയസ്പർശിയായ പോസ്റ്റിൽ, കർണാടകയ്ക്ക് വേണ്ടി സിദ്ധരാമയ്യ ചെയ്ത കാര്യങ്ങൾക്ക് അദ്ദേഹം നന്ദി രേഖപ്പെടുത്തി. “ദൈവം വരങ്ങളോ ശാപങ്ങളോ നൽകുന്നില്ല. അവൻ അവസരങ്ങൾ മാത്രമേ നൽകുന്നുള്ളൂ. ആ അവസരങ്ങളെ നമ്മൾ എങ്ങനെ വിനിയോഗിക്കുന്നു എന്നതിലാണ് കാര്യം,” ഡി.കെ ശിവകുമാർ എക്സിൽ കുറിച്ചു.
