ഷിക്കാഗോ ∙ ജൂലൈ 31ന് ഷിക്കാഗോ മലയാളി അസോസിയേഷന്റെ ആഭിമുഖ്യത്തില്‍ ‘കിഡ്സ് കോര്‍ണര്‍’ പരിപാടി നടത്തുന്നു. എല്ലാ മാസവും നടക്കുന്ന പരിപാടി സിഎംഎ ഹാളില്‍ വൈകിട്ട് ഏഴിനാണ്. പ്രസ്തുത പരിപാടിയില്‍ പബ്ലിക്ക് സ്പീക്കിംഗ് ട്രെയിനിംഗ് ക്ലാസ് നയിക്കുന്നത് മേഗന്‍ മനോജ് ആണ്. നിരവധി പബ്ലിക് സ്പീക്കിംഗ് ടൂര്‍ണമെന്റുകളില്‍ സ്റ്റേറ്റ് ലെവലില്‍ പ്രാവീണ്യം തെളിയിച്ച പ്രഗത്ഭയായ വ്യക്തിയാണ് മേഗന്‍ മനോജ്.
കഴിഞ്ഞ പ്രാവശ്യം എല്ലാവരുടെയും പ്രശംസ പിടിച്ചു പറ്റിയ സാറ അനിലിന്റെ നേതൃത്വത്തില്‍ യോഗ ക്ലാസും നടക്കുന്നതാണ്. കിഡ്സ് കോര്‍ണര്‍ പരിപാടി എല്ലാ കുട്ടികളും പ്രയോജനപ്പെടുത്തുന്നതിനായി മാതാപിതാക്കള്‍ ശ്രദ്ധപതിപ്പിക്കണമെന്ന് ജനറല്‍ കോര്‍ഡിനേറ്റര്‍ ജെസ്സി റിന്‍സി, ജോണ്‍സണ്‍ കണ്ണൂക്കാടന്‍ (പ്രസിഡന്റ്-847-477-056), ജോഷി വള്ളിക്കളം(സെക്രട്ടറി-312 685-6749) എന്നിവര്‍ അഭ്യർഥിച്ചു.
കിഡ്സ് കോര്‍ണര്‍ പരിപാടി നടത്തുന്ന സിഎംഎഹാള്‍ അഡ്രസ്: 834 E.Rand Rd. Mount Prospect, IL.
