ഉത്തർപ്രദേശിൽ രോഗബാധിതനായി മരിച്ച വൃദ്ധന്റെ മൃതദേഹത്തോട് അനാദരവ്. ശരീരം മാലിന്യം ശേഖരിക്കുന്ന ട്രക്കിലേക്ക് പൊലീസ് വലിച്ചെറിഞ്ഞു. ലഖ്നൗവിൽ നിന്ന് 250 കിലോമീറ്റർ അകലെയുള്ള മഹോബയിലെ ജില്ലാ ആശുപത്രിയിലാണ് സംഭവം.
ആശുപത്രിയുടെ മോർച്ചറിയിൽ നിന്ന് ഒരാൾ മൊബൈൽ ഫോണിൽ പകർത്തിയ വിഡിയോ ആണ് സോഷ്യൽ മീഡിയയിൽ പ്രചരിക്കുന്നത്. 2 പൊലീസുകാർ മൃതദേഹം കറുത്ത ഷീറ്റിൽ പൊതിഞ്ഞ് വാഹനത്തിലേക്ക് മാറ്റുന്നതും, മുതിർന്ന ഉദ്യോഗസ്ഥൻ അതിന് നിർദ്ദേശം നൽകുന്നതും ദൃശ്യങ്ങളിൽ വ്യക്തമാണ്.
