ചെന്നൈ: വേര്‍പിരിഞ്ഞ് ജീവിക്കാന്‍ കഴിയാതെ രണ്ട് യുവതികള്‍ ജീവനൊടുക്കി. നാമക്കലിനടുത്തുള്ള നെയ്ത്തു ശാലയില്‍ ജോലി ചെയ്തിരുന്ന ജ്യോതി (23), പ്രിയ (20) എന്നിവരെയാണ് മരിച്ച നിലയില്‍ കണ്ടെത്തിയത്. പിരിയാന്‍ പറ്റാത്തതിനാലാണ് ഇരുവരും ആത്മഹത്യ ചെയ്തതെന്നാണ് പൊലീസ് പറയുന്നത്. ആത്മഹത്യാ കുറിപ്പും കണ്ടെത്തിയിട്ടില്ല.
ഇവര്‍ ഏറെ അടുപ്പത്തിലായിരുന്നു.അടുപ്പം കടുത്തതോടെ നെയ്ത്തുകേന്ദ്രം ഉടമ ശകാരിക്കുകയും ചെയ്തു. പ്രിയയുടെ രക്ഷിതാക്കളും ഇവരുടെ ബന്ധത്തെ എതിര്‍ത്തു. 27-ന് ഇവര്‍ മകളുടെ വിവാഹം ഉറപ്പിക്കുകയും ചെയ്തു.ഇതോടെയാണ് ആത്മഹത്യചെയ്തതെന്നാണ് കരുതുന്നത്.
ജ്യോതി വിവാഹിതയും രണ്ടു വയസുള്ള കുട്ടിയുടെ അമ്മയുമാണ്. ഭര്‍ത്താവുമായി പിരിഞ്ഞ് മുത്തശ്ശിക്കൊപ്പമായിരുന്നു താമസം.ഏതാനും മാസം മുമ്ബാണ് ജ്യോതി നെയ്ത്തുകേന്ദ്രത്തില്‍ ജോലിക്കു ചേര്‍ന്നത്. ഇവിടെവച്ചാണ് പ്രിയയുമായി അടുപ്പത്തിലായത്.സംഭവത്തെക്കുറിച്ച്‌ പൊലീസ് അന്വേഷണമാരംഭിച്ചു.
