ന്യൂഡല്ഹി: രാജ്യത്തെ കോവിഡ് രോഗമുക്തി നിരക്ക് 74.30 ശതമാനമായി വര്ധിച്ചുവെന്ന് കേന്ദ്ര ആരോഗ്യമന്ത്രാലയം. ഒറ്റദിവസം 62,282 പേരാണ് രോഗമുക്തി നേടിയത്. ഏറ്റവും കൂടിയ പ്രതിദിന വര്ധനയാണിത്.
രാജ്യത്ത് ഇതുവരെ രോഗമുക്തി നേടിയവരുടെ എണ്ണം 21.5 ലക്ഷമായി ഉയര്ന്നു. കോവിഡ് മരണനിരക്കിലും കുറവ് വന്നിട്ടുണ്ട്. 1.89 ശതമാനമാണ് മരണനിരക്ക്. രാജ്യത്ത് 54,849 പേരാണ് ഇതുവരെ കോവിഡ് ബാധിച്ച് മരിച്ചത്.
