കൊച്ചി: കൊറോണ വൈറസ് വ്യാപനത്തെ തുടര്‍ന്നുള്ള പ്രതിസന്ധി മറികടക്കാന്‍ ചലച്ചിത്ര താരങ്ങളും സാേങ്കതിക പ്രവര്‍ത്തകരും പ്രതിഫലം കുറക്കണമെന്ന ആവശ്യവുമായി നിര്‍മാതാക്കള്‍ രംഗത്ത്. താരങ്ങള്‍ പ്രതിഫലം കുറക്കണം. എങ്കില്‍ മാത്രമേ ചിലവ് പകുതിയായി കുറയുകയുള്ളൂവെന്നും ഇല്ലെങ്കില്‍ പുതിയ സിനിമകള്‍ ഉണ്ടാകില്ലെന്നും പ്രൊഡ്യൂസേഴ്സ് അസോസിയേഷന്‍ വാര്‍ത്താസമ്മേളനത്തില്‍ പറഞ്ഞു. നിര്‍മ്മാണ ചെലവ് കുറക്കുന്നതുമായി ബന്ധപ്പെട്ട് അമ്മ, ഫെഫ്ക എന്നീ സംഘടനകളുമായി ചര്‍ച്ച നടത്തും. തുടര്‍ച്ച ആവശ്യപ്പെട്ട് ചലച്ചിത്ര സംഘടനകള്‍ക്ക് കത്തയക്കുമെന്നും അവര്‍ അറിയിച്ചു.
താരങ്ങള്‍ പ്രതിഫലം കുറക്കണം, ഇല്ലെങ്കില്‍ പുതിയ സിനിമകളില്ല; മുന്നറിയിപ്പുമായി നിര്‍മാതാക്കള്‍
