വാഷിംഗ്ടണ് ഡിസി: ട്വിറ്റര് വസ്തുതാ പരിശോധനാ മുന്നറിയിപ്പ് നല്കിയതിനു പിന്നാലെ സോഷ്യല് മീഡിയ കന്പനികള്ക്കെതിരെ അമേരിക്കന് പ്രസിഡന്റ് ഡൊണാള്ഡ് ട്രംപ്.
സോഷ്യല് മീഡിയയെ നിയന്ത്രിക്കാന് പുതിയ നിയമനിര്മാണം കൊണ്ടുവരുമെന്നും കന്പനികള് പൂട്ടിക്കുമെന്നും ട്രംപ് മുന്നറിയിപ്പ് നല്കി. ട്രംപിന്റെ രണ്ട് ട്വീറ്റുകള്ക്ക് ട്വിറ്റര് മുന്നറിയിപ്പ് നല്കിയതിനു പിന്നാലെയാണ് ഇത്.
ശക്തമായ നിയമനിര്മാണം കൊണ്ടുവരികയോ പൂട്ടിക്കുകയോ ചെയ്യുമെന്ന് ട്രംപ് ട്വീറ്റ് ചെയ്തു.തന്നെ നിശബ്ദനാക്കാനാണ് ശ്രമമെന്നും 2016ല് ഇങ്ങനെ ശ്രമിച്ചവര് പരാജയപ്പെട്ടത് ഏവരും കണ്ടതാണെന്നും ട്രംപ് കൂട്ടിച്ചേര്ത്തു. അതിന്റെ പുതിയ പതിപ്പുകള് ആവര്ത്തിക്കാന് അനുവദിച്ചുകൂടാ. മെയില് ഇന് ബാലറ്റുകള് ചതിയാണെന്നും കള്ളത്തരമാണെന്നുമുള്ള ആരോപണം ട്രംപ് ആവര്ത്തിക്കുകയും ചെയ്തു.
