ചരിത്രത്തിലാദ്യമായി റോമാ സാമ്രാജ്യത്തിന്റെ തിരുശേഷിപ്പായ 2,000 വര്ഷം പഴക്കമുള്ള കൊളോസിയത്തിന്റെ അണിയറയായി കരുതുന്ന ഭൂഗര്ഭ പാതകളും ചേംബറുകളും സന്ദര്ശകര്ക്കായി തുറന്നു. ഇറ്റലി ആസ്ഥാനമായുള്ള ഫാഷന് ബ്രാന്ഡായ ‘ടോഡ്സിന്റെ സാമ്ബത്തിക സഹായത്തോടെ അടുത്തിടെ ഭൂഗര്ഭ പാതകളുടെ പുനരുദ്ധാരണം
പൂര്ത്തിയാക്കിയിരുന്നു. ഇതിന്റെ തുടര്ച്ചയായാണ് കൊളോസിയത്തിന്റെ ഭൂഗര്ഭ ഭാഗവും തുറന്നത്.
2010 മുതല് പ്രവേശനം ലഭിച്ചിരുന്നുവെങ്കിലും വളരെ ചെറിയ ഒരു ഭാഗത്ത് മാത്രമായിരുന്നു എത്താനായിരുന്നത്. എന്നാല്, പുനരുദ്ധാരണ പ്രവൃത്തികളുടെ ഭാഗമായി സന്ദര്ശകര്
ക്ക് നടന്നുനീങ്ങാന് പ്രത്യേകം നടപ്പാതകള് ഒരുക്കിയിട്ടുണ്ട്.80 പുരാവസ്തു ഗവേഷകര്, ശില്പികള്, എന്ജിനിയമാര് എന്നിവര് ചേര്ന്നാണ് പുനരുദ്ധാരണം പൂര്ത്തിയാക്കിയത്. റോമിലെ സ്മാരകങ്ങളും പൗരാണിക നിര്മിതികളും വീണ്ടെടുക്കാന് ഇറ്റാലിയന് സര്ക്കാര് വിപുലമായ പദ്ധതികളാണ് നടപ്പാക്കിവരുന്നത്. 2024ഓടെ പദ്ധതി പൂര്ത്തിയാക്കും.
@കൊളോസിയം
നൂറ്റാണ്ടുകള്ക്ക് മുന്പ് നിലനിന്നിരുന്ന അതിക്രൂര വിനോദമായ ഗ്ലാഡിയേറ്റര് മല്ല യുദ്ധത്തിന്റെ വേദിയായിരുന്ന കൊളോസിയം 19-ാം നൂറ്റാണ്ടിലാണ് ഖനനത്തിലൂടെ കണ്ടെത്തുന്നത്.
മത്സരത്തിനെത്തുന്ന മനുഷ്യരെയും മൃഗങ്ങളെയും ഒരുക്കാനുള്ള അണിയറയായി പ്രവര്ത്തിച്ചിരുന്നത് ഈ ഭൂഗര്ഭ ചേംബറുകളായിരുന്നു. എ.ഡി 80ല് തുറന്ന് 523 വരെയാണ് കൊളോസിയം സജീവമായിരുന്നതെന്നാണ് നിഗമനം.
ചരിത്രത്തിലാദ്യമായി കൊളോസിയത്തിന്റെ ഭൂഗര്ഭ പാതകള് തുറന്നു
