മനാമ: ബഹ്‌റൈനില്‍ കോവിഡ് -19 വാക്സിന്‍ പരീക്ഷണത്തിന് തയാറായി ഇന്ത്യന്‍ ഇസ്ലാഹി സെന്‍റര്‍ ഭാരവാഹി ആഷിഖ് രംഗത്തെത്തി. കോവിഡ് ലോക്ഡൗണ്‍ കാലത്ത് പ്രയാസമനുഭവിക്കുന്ന പ്രവാസികള്‍ക്കിടയില്‍ സന്നദ്ധ പ്രവര്‍ത്തനങ്ങളുമായി മുന്നോട്ടുപോകുന്ന ഇസ്ലാഹി സെന്‍ററിെന്‍റ യൂത്ത് വിങ് സെക്രട്ടറി കൂടിയാണ് ആഷിഖ്.
കോവിഡ് വൈറസിനെതിരെയുള്ള പോരാട്ടത്തില്‍ ബഹ്‌റൈന്‍ സര്‍ക്കാറിനോടൊപ്പം ചേരാന്‍ കഴിഞ്ഞതില്‍ ചാരിതാര്‍ഥ്യമുണ്ടെന്ന് അദ്ദേഹം പറഞ്ഞു. വെള്ളിയാഴ്ച ആദ്യ ഡോസ് സ്വീകരിച്ചു. ഇന്ത്യന്‍ ഇസ്ലാഹി സെന്‍ററിെന്‍റ നിരവധി വളന്‍റിയര്‍മാര്‍ പരീക്ഷണത്തില്‍ പെങ്കടുക്കാന്‍ തയാറായി രംഗത്തെത്തിയിട്ടുണ്ടെന്ന് പ്രസിഡന്‍റ് സഫീര്‍ നരക്കോട് പറഞ്ഞു.
