കുവൈത്തിലെ ഇന്ത്യന്‍ എംബസി ആഴ്ച തോറും നടത്തിവന്ന ഓപ്പണ്‍ ഹൗസ് യോഗം കോവിഡ് പ്രതിസന്ധിയുടെ പശ്ചാത്തലത്തില്‍ താല്‍ക്കാലികമായി നിര്‍ത്തിവെച്ചു. കൂടുതല്‍ പേര്‍ ഒത്തുകൂടുന്നതിനുള്ള നിയന്ത്രണങ്ങള്‍ കാരണമാണ് പരിപാടി നിര്‍ത്തിവെക്കുന്നതെന്നും നിയന്ത്രണങ്ങള്‍ നീക്കിയാല്‍ യോഗം പുനരാരംഭിക്കുമെന്നും എംബസി അധികൃതര്‍ അറിയിച്ചു.
കുവൈത്തിലെ പുതിയ ഇന്ത്യന്‍ അംബാസഡറായി മലയാളിയായ സിബി ജോര്‍ജ് ചുമതലയേറ്റ ശേഷം ആരംഭിച്ച നിരവധി ജനോപകാരപ്രദമായ നടപടികളിലൊന്നായിരുന്നു ബുധനാഴ്ച തോറും നടത്തിയിരുന്ന ഓപ്പണ്‍ ഹൗസ്.എല്ലാബുധനാഴ്ചയും വൈകീട്ട് 3.30ന് നടത്തിവന്ന യോഗത്തില്‍ അംബാസഡര്‍/ ഡെപ്യൂട്ടി ചീഫ് ഓഫ് മിഷന്‍/ കമ്യൂണിറ്റി വെല്‍ഫെയര്‍ മേധാവി, കോണ്‍സുലര്‍,ലേബര്‍ വിങ് പ്രതിനിധികള്‍ തുടങ്ങി ഉദ്യോഗസ്ഥര്‍ സംബന്ധിച്ചിരുന്നു.
