ഒഡിഷ: കേരളത്തില്‍ നിന്ന് പശ്ചിമ ബംഗാളിലേക്ക് പോയ കുടിയേറ്റ തൊഴിലാളികള്‍ സഞ്ചരിച്ച ബസ് അപകടപ്പെട്ട് എട്ട് പേര്‍ക്ക് പരിക്കേറ്റു.ഒഡീഷയിലെ ബസ്തയില്‍ രാവിലെ ഏഴരയോടെയാണ് അപകടം നടന്നത്. 40 പേരാണ് ബസിലുണ്ടായിരുന്നത്. പരിക്കേറ്റവരെ ബസ്തയിലെ കമ്മ്യൂണിറ്റി ഹെല്‍ത്ത് സെന്ററില്‍ പ്രവേശിപ്പിച്ചതായി ബാലസൂര്‍ ജില്ലാ കളക്ടര്‍ കെ. സുദര്‍ശന്‍ ചക്രവര്‍ത്തി പറഞ്ഞു.
ബസ്ത പൊലീസ് സംഭവസ്ഥലത്തെത്തി അപകടത്തെക്കുറിച്ച്‌ അന്വേഷണം നടത്തി. അതേസമയം മറ്റ് കുടിയേറ്റ തൊഴിലാളികളെ അവരുടെ ജന്മദേശത്തേക്ക് തിരിച്ചയക്കാന്‍ പ്രത്യേക ക്രമീകരണങ്ങള്‍ ഏര്‍പ്പെടുത്തിയിട്ടുണ്ടെന്ന് കെ. സുദര്‍ശന്‍ ചക്രവര്‍ത്തി ഒരു ദേശീയ മാദ്ധ്യമത്തോട് പറഞ്ഞു.
