യുഎഇ: യുഎഇയിലെ ഇന്ത്യൻ പ്രവാസികൾക്ക് ചരിത്രപരമായ ഒരു നിമിഷം ആണ് ഇത്. ആദ്യമായി ആണ് മൂന്ന് വ്യത്യസ്ത ഇന്ത്യൻ പാസ്പോർട്ട് ഡിസൈനുകൾ ഒരേസമയം പ്രചാരത്തിലെത്തുന്നത്. അബുദാബിയിലെ ഇന്ത്യൻ എംബസിയും ദുബായിലെ ഇന്ത്യൻ കോൺസുലേറ്റും ചിപ്പ് ഘടിപ്പിച്ച ഇ-പാസ്പോർട്ട് പുറത്തിറക്കിയതോടെ, ഇന്ത്യൻ പ്രവാസി കുടുംബങ്ങളിൽ മൂന്ന് തലമുറകളിലെ വിത്യസ്ഥ പാസ്പോർട്ട് ഉണ്ടാകും..
2021ന് മുമ്പുള്ള ഡിസൈൻ, 2021ൽ പുനർരൂപകൽപ്പന ചെയ്ത പതിപ്പ്, കൂടാതെ പുതിയ ഇ-പാസ്പോർട്ട് എന്നിവയാണ് ഇവ. കുടുംബാംഗങ്ങൾക്കിടയിൽ പാസ്പോർട്ട് പുതുക്കുന്ന തീയതികൾ വ്യത്യാസപ്പെടുന്നതിനാൽ ഈ വിത്യസ്ഥ രീതി കുറച്ചു കാലം കൂടി തുടരാൻ തന്നൊണ് സാധ്യത.
പാസ്പോർട്ടുകൾ തിരിച്ചറിയാനുള്ള എളുപ്പവഴി അവയുടെ കവറുകളാണ്. നിറം ഒന്നാണെങ്കിലും ഡിസൈനിൽ വലിയ വ്യത്യാസമുണ്ട്. 2021ലെ പുനർരൂപകൽപ്പനയിൽ “പാസ്പോർട്ട്” എന്നും “റിപ്പബ്ലിക് ഓഫ് ഇന്ത്യ” എന്നും ഉള്ള വാക്കുകളുടെ സ്ഥാനം മാറിയിട്ടുണ്ട്. “റിപ്പബ്ലിക് ഓഫ് ഇന്ത്യ” അല്പം വലിയ അക്ഷരങ്ങളിൽ മുകളിൽ ആണ് എത്തിയിരിക്കുന്നത്. ഇനി ഇന്ത്യയുടെ ചിഹ്നം, നാല് ഏഷ്യാറ്റിക് സിംഹങ്ങൾ പരസ്പരം പുറംതിരിഞ്ഞ് നിൽക്കുന്നതും മറ്റ് മൃഗങ്ങളും ഉൾക്കൊള്ളുന്നതാണ്. ഈ ചിഹ്നം കവറിൻ്റെ മധ്യഭാഗത്ത് ആലേഖനം ചെയ്തിരിക്കുന്നു.
പുതിയ ഇ-പാസ്പോർട്ടിൽ 2021ലെ ലേഔട്ട് നിലനിർത്തിയിട്ടുണ്ട്, എന്നാൽ മുൻ കവറിൻ്റെ താഴെയായി ഘടിപ്പിച്ച ചിപ്പിനെ സൂചിപ്പിക്കുന്ന ഒരു ചെറിയ സ്വർണ്ണ നിറമുള്ള ചിഹ്നം കൂട്ടിച്ചേർത്തിട്ടുണ്ട്.
ഒരുപക്ഷേ ഏറ്റവും വലിയ സാങ്കേതിക മാറ്റം നമ്പറിംഗ് സംവിധാനത്തിലാണ്. 2021ന് മുമ്പുള്ളതും 2021ൽ പുനർരൂപകൽപ്പന ചെയ്തതുമായ പാസ്പോർട്ടുകൾ ഒരു അക്ഷരവും തുടർന്ന് ഏഴ് അക്കങ്ങളും എന്ന ഫോർമാറ്റ് പിന്തുടരുന്നു. എന്നാൽ ഇ-പാസ്പോർട്ട് ഈ രീതിയിൽ നിന്ന് മാറി രണ്ട് അക്ഷരങ്ങളും തുടർന്ന് ആറ് അക്കങ്ങളും ഉപയോഗിക്കുന്നു.
പാസ്പോർട്ട് നമ്പർ ഓരോ പാസ്പോർട്ടിനും ഒരു തനതായ ഐഡൻ്റി ആയി പ്രവർത്തിക്കുന്നു. ഇത് സർക്കാർ വകുപ്പുകൾ, എയർലൈനുകൾ, ഇമിഗ്രേഷൻ അധികാരികൾ എന്നിവർ യാത്രക്കാരുടെ ഐഡൻ്റിറ്റി പരിശോധിക്കാനും യാത്രാ ചരിത്രം ട്രാക്ക് ചെയ്യാനും തട്ടിപ്പ് തടയാനും ഉപയോഗിക്കുന്നു. ഇതിൽ പാസ്പോർട്ട് ഉടമയുടെ പേര്, ദേശീയത, ജനനത്തീയതി തുടങ്ങിയ വ്യക്തിഗത വിവരങ്ങളുമായി നേരിട്ട് ബന്ധപ്പെട്ടിരിക്കുന്നു. ഈ വിവരങ്ങൾ ദേശീയവും അന്തർദേശീയവുമായ ഡാറ്റാബേസുകളിൽ സൂക്ഷിച്ചിരിക്കുന്നു.
2021ലെ പുനർരൂപകൽപ്പനയിൽ റിവേഴ്സ് സ്റ്റിച്ചിംഗ്, അവസാന പേജിൽ ഡബിൾ ലാമിനേഷൻ, താമരയും മയിലും പോലുള്ള ചിഹ്നങ്ങളുള്ള കള്ളനോട്ട് വിരുദ്ധ ചിഹ്നങ്ങൾ എന്നിവ അവതരിപ്പിച്ചു. പാസ്പോർട്ട് നമ്പർ എല്ലാ പേജുകളിലും എംബോസ് ചെയ്തിരുന്നു, കൂടാതെ “IND” എന്ന അക്ഷരങ്ങൾ പേജിൻ്റെ അരികുകളിൽ അച്ചടിച്ചിരുന്നു, ഇത് പേജുകൾ ഒരുമിച്ച് പിടിക്കുമ്പോൾ മാത്രമേ ദൃശ്യമാകൂ.
