ഇന്ത്യന് പൗരന്മാര് ഉടന് സിറിയ വിടണമെന്ന് കേന്ദ്ര വിദേശകാര്യമന്ത്രാലയത്തിന്റെ ജാഗ്രതാ നിര്ദേശം. നിലവിലെ സ്ഥിതിഗതികള് കണക്കിലെടുത്ത് ലഭ്യമായ ഏറ്റവും നേരത്തെയുള്ള വിമാനങ്ങളില് അവിടെനിന്നു മടങ്ങാന് ഇന്ത്യന് പൗരന്മാര് ശ്രമിക്കണമെന്നാണ് നിർദ്ദേശം.
ഇതിന് സാധിക്കാത്തവര് പരമാവധി മുന്കരുതല് എടുക്കുകയും സുരക്ഷ ഉറപ്പാക്കുകയും ചെയ്യണം. സിറിയയിലേക്കുള്ള എല്ലാ യാത്രകളും ഇനിയൊരു അറിയിപ്പ് ഉണ്ടാകുന്നതുവരെ ഇന്ത്യന് പൗരന്മാര് ഒഴിവാക്കണമെന്നും വിദേശകാര്യമന്ത്രാലയം മുന്നറിയിപ്പ് നൽകി.
നിലവില് സിറിയയിലുള്ള ഇന്ത്യക്കാര് ഡമാസ്കസിലെ ഇന്ത്യന് എംബസിയുമായി എമര്ജന്സി ഹെല്പ്പ്ലൈന് നമ്പറായ +963 993385973 (വാട്സ്ആപ്പിലും), ഇ-മെയില് ഐഡി hoc.damascus@mea.gov.in എന്നിവയില് അപ്ഡേറ്റുകള്ക്കായി ബന്ധപ്പെടണമെന്നും വിദേശകാര്യ മന്ത്രാലയം അഭ്യര്ഥിച്ചു.
